ಬೆಂಗಳೂರು: ನಮ್ಮಿಂದಲೇ ಆಗಿದ್ದು ಎಂದು ಕ್ರೆಡಿಟ್ ಪಡೆಯುವುದಲ್ಲ, ಕೆಲಸ ಮಾಡಿ ತೋರಿಸಬೇಕು ಎಂದು ಮೋದಿ ಸರ್ಕಾರಕ್ಕೆ HD ಕುಮಾರಸ್ವಾಮಿ ಟಾಂಗ್ ಕೊಟ್ಟಿದ್ದಾರೆ. ಈ ಸಂಬಂಧ ಅತ್ತಿಬೆಲೆಯಲ್ಲಿ ಮಾತನಾಡಿದ ಅವರು, ಹೆದ್ದಾರಿಗೆ ಕೇಂದ್ರ ಸರ್ಕಾರ ಕೂಡ ಹಣ ಹಾಕಿಲ್ಲ, ಆ ಭೂಮಿ ರಾಜ್ಯದ ರೈತರ ಭೂಮಿ, ರಸ್ತೆಯಲ್ಲಿ ಓಡಾಡಿ ಜನರು ಹಣ ಕಟ್ಟುತ್ತಾರೆ ಎಂದು ಮೋದಿ ಸರ್ಕಾರಕ್ಕೆ ಟಾಂಗ್ ನೀಡಿದರು.
ರಸ್ತೆಯನ್ನು ಮೈಸೂರಿನ ಮಹರಾಜರು ಆರಂಭ ಮಾಡಿದ್ರು, ನಂತರ ಬಂದ ರಾಜಕಾರಣಿಗಳು ಮೇಲ್ದರ್ಜೆಗೇ ಏರಿಸಿದರು. ಇದರಿಂದ ಬಿಜೆಪಿಗೆ ಯಾವುದೇ ಪ್ಲಸ್ ಪಾಯಿಂಟ್ ಆಗಲ್ಲ ಎಂದರು. ಯಾವುದೇ ಅಭಿವೃದ್ದಿ ಕೆಲಸ ನಮ್ಮಿಂದಲೇ ಆಗಿದ್ದು ಎಂದು ಕ್ರೆಡಿಟ್ ಪಡೆಯುವದಲ್ಲ. ಮಾಡುವ ಅಭಿವೃದ್ದಿ ಕೆಲಸದಲ್ಲಿ ತೋರಿಸಬೇಕು ಎಂದು ಮಾಜಿ ಸಿಎಂ ಕುಮಾರಸ್ವಾಮಿ ಹೇಳಿದರು
