ತೆಲುಗು ಸಿನಿಮಾ ರಂಗದಲ್ಲಿ ಫ್ಯಾನ್ ವಾರ್ ಕಾಮನ್ ಆಗಿ ಬಿಟ್ಟಿದೆ. ಇತರ ಅಭಿಮಾನಿಗಳ ನಟರು ಮತ್ತೊಬ್ಬ ಅಭಿಮಾನಿಗಳ ನಟರನ್ನು ಬೆದರಿಸುವುದು, ಹಲ್ಲೆ ಮಾಡುವುದು ಕಾಮನ್ ಅನ್ನೋ ಹಾಗಾಗಿದೆ. ಇದೀಗ ಒಂದು ಹೆಜ್ಜೆ ಮುಂದೆ ಹೋಗಿರುವ ಪವನ್ ಕಲ್ಯಾಣ್ ಅಭಿಮಾನಿಗಳು ನಟ ಪ್ರಭಾಸ್ ಅಭಿಮಾನಿಯನ್ನು ರಾಡ್ ನಿಂದ ಹೊಡೆದು ಕೊಲೆ ಮಾಡಿದ್ದಾರೆ.
ಕ್ಷುಲ್ಲಕ ಕಾರಣಕ್ಕಾಗಿ ಪವನ್ ಕಲ್ಯಾಣ್ ಅಭಿಮಾನಿಯೊಬ್ಬ ಪ್ರಭಾಸ್ ಅಭಿಮಾನಿಯನ್ನು ಹೊಡೆದು ಕೊಂದಿರುವ ಘಟನೆ ಆಂಧ್ರದ ಅತ್ತಿಲಿ ಎಂಬಲ್ಲಿ ಬೆಳಕಿಗೆ ಬಂದಿದೆ.
ಕಿಶೋರ್ ಹೆಸರಿನ ಪವನ್ ಕಲ್ಯಾಣ್ ಅಭಿಮಾನಿ ಹರಿಕುಮಾರ್ ಎನ್ನುವ ಪ್ರಭಾಸ್ ಅಭಿಮಾನಿಯನ್ನು ರಾಡ್ ನಿಂದ ಹಲ್ಲೆ ನಡೆಸಿ ಕೊಲೆ ಮಾಡಿದ್ದಾರೆ. ಇಬ್ಬರೂ ಮನೆ ಪೇಂಟಿಂಗ್ ಕೆಲಸ ಮಾಡುತ್ತಿದ್ದರು. ಈ ಸಂದರ್ಭದಲ್ಲಿ ಪವನ್ ಕಲ್ಯಾಣ್ ಅವರ ವಿಡಿಯೋವನ್ನು ಕಿಶೋರ್ ವಾಟ್ಸಾಪ್ ಸ್ಟೇಟಸ್ ಗೆ ಹಾಕಿದ್ದ. ಇದರಿಂದ ಕುಪಿತಗೊಂಡ ಹರಿಕುಮಾರ್, ಆ ಸ್ಟೇಟಸ್ ತೆಗೆದು ಪ್ರಭಾಸ್ ವಿಡಿಯೋ ಹಾಕುವಂತೆ ಹೇಳಿದ್ದಾನೆ. ತನ್ನ ಮಾತು ಕೇಳದೇ ಇರುವ ಕಾರಣದಿಂದಾಗಿ ರಾಡ್ ನಿಂದ ಹೊಡೆದು ಸಾಯಿಸಿದ್ದಾನೆ.
ಗಂಭೀರವಾಗಿ ಗಾಯಗೊಂಡಿದ್ದ ಕಿಶೋರ್ ನನ್ನು ಆಸ್ಪತ್ರೆಗೆ ಸಾಗಿಸುವಾಗ ತೀವ್ರ ರಕ್ತಸ್ರಾವದಿಂದಾಗಿ ಮೃತಪಟ್ಟಿದ್ದು, ಸದ್ಯ ಆರೋಪಿ ಹರೀಶ್ ಕುಮಾರ್ ನನ್ನು ಪೊಲೀಸರು ಬಂಧಿಸಿದ್ದಾರೆ.
