ಬೆಂಗಳೂರು:- ಚುನಾವಣೆಯಲ್ಲಿ ಹೀನಾಯ ಸೋಲಿನ ಬಳಿಕ ರಾಜ್ಯ ಬಿಜೆಪಿಯಲ್ಲಿ ಹೊಂದಾಣಿಕೆ ರಾಜಕಾರಣ ಭುಗಿಲೆದ್ದಿದೆ. ಬಿಜೆಪಿಯ ಈ ಪರಿಸ್ಥಿತಿಗೆ ಬೊಮ್ಮಾಯಿ ಕಾರಣ ಎಂದು ಮಾಜಿ ಸಿಎಂ ಬೊಮ್ಮಾಯಿ ವಿರುದ್ಧ ಸಂಸದ ಪ್ರತಾಪ್ ಸಿಂಹ ನೇರ ಆರೋಪ ಮಾಡಿದರು. ಈ ಹಿನ್ನೆಲೆ ಪ್ರತಾಪ್ ಸಿಂಹ ವಿರುದ್ಧ ಬೊಮ್ಮಾಯಿ ಕೊತ ಕೊತ ಕುದಿಯುತ್ತಿದ್ದಾರೆ. ಮಾಜಿ ಸಿಎಂ ಬೊಮ್ಮಾಯಿಗೆ ಪ್ರತಾಪ್ ಸಿಂಹ ಹೇಳಿಕೆ ತೀವ್ರ ಮುಜುಗರ ತಂದಿದೆ.
ಚುನಾವಣೆ ಬಳಿಕವೂ ಬಿಎಸ್ವೈ – ಬಿ ಎಲ್ ಸಂತೋಷ ಬಣದ ನಡುವೆ ಕೋಲ್ಡ್ ವಾರ್ ಮುಂದುವರೆದಿದೆ. ಪ್ರತಾಪ್ ಸಿಂಹ ಹೇಳಿಕೆ ಹಿಂದೆ
ಬಿ ಎಲ್ ಸಂತೋಷ್ ಇದ್ದಾರೆ ಎಂದು ಬಿ ಎಲ್ ಸಂತೋಷ್ ನಡೆಗೆ ಬಿಎಸ್ವೈ ಆ್ಯಂಡ್ ಟೀಂ ತೀವ್ರ ಆಕ್ರೋಶ ಹೊರ ಹಾಕಿದೆ.
ಚುನಾವಣೆಯಲ್ಲಿ ತಮ್ಮದೇ ರಣತಂತ್ರ ಮಾಡಿ ಬಿಜೆಪಿಯನ್ನ ಸೋಲಿಸಿದರು. ನಾನು ಹೇಳಿದ್ದೇ ನಡೆಯಬೇಕೆಂದು ನಮ್ಮ ಮಾತು ಯಾವುದು ಕೇಳಿಲ್ಲ. ಇದೀಗ ಪ್ರತಾಪ್ ಸಿಂಹ ಮುಖಾಂತರ ನಮ್ಮ ಮೇಲೆ ಆರೋಪ ಮಾಡಿಸುತ್ತಿದ್ದಾರೆ ಎಂದು ಬೊಮ್ಮಾಯಿ ಗರಂ ಆಗಿದ್ದು, ತಮ್ಮ ಆಪ್ತರ ಬಳಿ ಬೊಮ್ಮಾಯಿ ಬೇಸರ ಹೊರ ಹಾಕಿದ್ದಾರೆ.
