ಬೆಂಗಳೂರು: ಜಯನಗರ ಆರನೇ ಬ್ಲಾಕ್ ಬಳಿ ಇರುವ ರಾಯರ ಮಠದಲ್ಲಿ ತಂಗಿದ್ದ ಮಂತ್ರಾಲಯ ಮಠದ ಪೀಠಾಧಿಪತಿ ಡಾ.ಶ್ರೀ ಸುಬುಧೇಂದ್ರ ತೀರ್ಥರು, ಮೋದಿ ರೋಡ್ ಶೋ ವೇಳೆ ಮಠದ ಹೊರ ಭಾಗದಲ್ಲಿ ನಿಂತು ರೋಡ್ ಶೋ ವೀಕ್ಷಿಸಿದರು. ಇದಕ್ಕೆ ಪ್ರತಿಯಾಗಿ ರಾಯರ ಮಠದತ್ತ ಬರುತ್ತಿದ್ದಂತೆ ಮೋದಿಯವರು ಮಂತ್ರಾಲಯ ಶ್ರೀಗಳತ್ತ ಕೈ ಮುಗಿದು ನಮಿಸಿದರು.
ಕರ್ನಾಟಕ ವಿಧಾನಸಭಾ ಚುನಾವಣೆಗೆ ಕೆಲವೇ ದಿನಗಳು ಬಾಕಿ ಇದ್ದು ಪ್ರಧಾನಿ ನರೇಂದ್ರ ಮೋದಿ ನಗರದಲ್ಲಿ ಭರ್ಜರಿ ರೋಡ್ ಶೋ ನಡೆಸುತ್ತಿದ್ದಾರೆ. ಈ ವೇಳೆ ಮಾರ್ಗ ಮಧ್ಯೆ ಮಂತ್ರಾಲಯ ಶ್ರೀಗಳತ್ತ ಕೈ ಮುಗಿದು ನಮಿಸಿದ್ದಾರೆ. ಪ್ರಧಾನಿ ಮೋದಿಯವರ ರೋಡ್ ಶೋ ಬೆಂಗಳೂರಿನ ಜಯನಗರದ ಆರನೇ ಬ್ಲಾಕ್ ಬಳಿ ಇರುವ ರಾಯರ ಮಠದತ್ತ ಬರುತ್ತಿದ್ದಂತೆ ಮೋದಿಯವರು ಮಂತ್ರಾಲಯ ಶ್ರೀಗಳತ್ತ ಕೈ ಮುಗಿದು ನಮಿಸಿದ್ದಾರೆ. ಈ ವೇಳೆ ಶ್ರೀಗಳು ನಿಂತಲ್ಲಿಂದಲೇ ಆಶಿರ್ವದಿಸಿದ್ದಾರೆ. ಡಾ.ಶ್ರೀ ಸುಬುಧೇಂದ್ರ ತೀರ್ಥರು, ಮಂತ್ರಾಲಯ ಮಠದ ಪೀಠಾಧಿಪತಿ ಮೋದಿ ರೋಡ್ ಶೋ ವೇಳೆ ಮಠದ ಹೊರ ಭಾಗದಲ್ಲಿ ನಿಂತು ರೋಡ್ ಶೋ ವೀಕ್ಷಿಸಿದರು.
