ಬಾಲಿವುಡ್ ನಟಿ ರಾಖಿ ಸಾವಂತ್ ಇತ್ತೀಚೆಗೆ ಸಾಕಷ್ಟು ನೋವುಗಳನ್ನು ಅನುಭವಿಸುತ್ತಿದ್ದಾರೆ. ಅವರ ದಾಂಪತ್ಯ ಜೀವನದಲ್ಲಿ ಬಿರುಗಾಳಿ ಎದ್ದಿದ್ದು, ಪತ ಜೈಲು ಪಾಲಾಗಿದ್ದಾರೆ. ಅದರ ನಡುವೆಯೂ ರಾಖಿ ಹೊಸ ಮನೆ ಮತ್ತು ಹೊಸ ಕಾರು ಖರೀದಿಸಿದ್ದು ಆದರೂ ಕಣ್ಣೀರು ಮಾತ್ರ ತಪ್ಪದಾಗಿದೆ.
ಇತ್ತೀಚೆಗೆ ರಾಖಿ ದುಬೈಗೆ ಹೋಗಿ ಬಂದಿದ್ದಾರೆ. ವಾಪಸ್ ಬರುವಾಗ ಮುಂಬೈ ವಿಮಾನ ನಿಲ್ದಾಣದಲ್ಲಿ ಪಾಪರಾಜಿಗಳ ಜೊತೆ ಮಾತನಾಡಿದ ಅವರು ತಮ್ಮ ಹೊಸ ಮನೆ ಮತ್ತು ಕಾರಿನ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ. ಇದೇ ವೇಳೆ ಗಂಡ ಆದಿಲ್ ಖಾನ್ ಬಗ್ಗೆ ಮಾತನಾಡುತ್ತ ಕಣ್ಣೀರು ಹಾಕಿದ್ದಾರೆ.
ನಟನೆಯ ಜೊತೆಗೆ ಡ್ಯಾನ್ಸರ್ ಆಗಿ, ರಿಯಾಲಿಟಿ ಶೋ ಸ್ಪರ್ಧಿಯಾಗಿ ರಾಖಿ ಸಾವಂತ್ ಗುರುತಿಸಿಕೊಂಡಿದ್ದಾರೆ. ಮೈಸೂರು ಮೂಲದ ಆದಿಲ್ ಖಾನ್ ಜೊತೆ ಕಳೆದ ವರ್ಷ ಮದುವೆಯಾಗಿದ್ದಾರೆ. ಆದರೆ ಹೆಚ್ಚು ದಿನಗಳ ಕಾಲ ರಾಖಿ ಸಾವಂತ್ ಮತ್ತು ಆದಿಲ್ ಖಾನ್ ಸಂಸಾರ ಮುಂದುವರಿಯಲಿಲ್ಲ. ತಮ್ಮ ಹಣ ಕದ್ದಿದ್ದಾರೆ ಹಾಗೂ ಕೌಟುಂಬಿಕ ದೌರ್ಜನ್ಯ ಎಸಗಿದ್ದಾರೆ ಎಂದು ಆದಿಲ್ ಖಾನ್ ವಿರುದ್ಧ ರಾಖಿ ಸಾವಂತ್ ಕೇಸ್ ದಾಖಲಿಸಿದ್ದಾರೆ. ಅದರ ಪರಿಣಾಮವಾಗಿ ಈಗ ಆದಿಲ್ ಖಾನ್ ಜೈಲು ಸೇರಿದ್ದಾರೆ.
