ಮಂಡ್ಯ :- ಮದ್ದೂರು ತಾಲೂಕಿನ ಗೊರವನಹಳ್ಳಿ ಗ್ರಾಮ ಪಂಚಾಯಿತಿ ನೂತನ ಅಧ್ಯಕ್ಷರಾಗಿ ರಾಮಲಿಂಗಯ್ಯ ಅವಿರೋಧವಾಗಿ ಆಯ್ಕೆಗೊಂಡರು.
ಈ ಹಿಂದೆ ಅಧ್ಯಕ್ಷರಾಗಿದ್ದ ಶಂಕರೇಗೌಡ ಅವರು ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಹಿನ್ನೆಲೆಯಲ್ಲಿ ಗ್ರಾಮ ಪಂಚಾಯಿತಿಯಲ್ಲಿ ಶುಕ್ರವಾರ ನಡೆದ ಚುನಾವಣೆಯಲ್ಲಿ ರಾಮಲಿಂಗಯ್ಯ ಅವರನ್ನು ಹೊರತುಪಡಿಸಿ ಬೇರೆ ಯಾರು ನಾಮಪತ್ರ ಸಲ್ಲಿಸದ ಕಾರಣ ಇವರ ಆಯ್ಕೆಯನ್ನು ಚುನಾವಣಾಧಿಕಾರಿ ಮಹದೇವಯ್ಯ ಘೋಷಣೆ ಮಾಡಿದರು.
ಇದೇ ವೇಳೆ ಗ್ರಾಮ ಪಂಚಾಯಿತಿ ಸದಸ್ಯರಾದ ಮಧು, ಗೌರಮ್ಮ, ಜಿ.ಬಿ.ಉಮೇಶ್, ಅನುಪಮ, ರೇಣುಕಾ, ಶೋಭಾ, ಜವನಮ್ಮ, ಮನು, ಸ್ವರೂಪ್ ಚಂದ್, ಸೌಭಾಗ್ಯ, ರಮೇಶ್, ವಸುಧಾ,
ಮುಖಂಡರಾದ ಗೊರವನಹಳ್ಳಿ ರಾಘವ, ಪ್ರಸನ್ನ, ಶಿವಲಿಂಗಯ್ಯ, ಉಪ್ಪಿನಕೆರೆ ಪ್ರಸನ್ನ, ಕೃಷ್ಣಪ್ಪ, ನಗರಕೆರೆ ಪ್ರಸನ್ನ ಸೇರಿದಂತೆ ಮತ್ತಿತರರು ಇದ್ದರು.
ವರದಿ : ಗಿರೀಶ್ ರಾಜ್ ಮಂಡ್ಯ
