ಅಂಬಾನಿ ಮಗ ಅನಂತ್ ಅಂಬಾನಿ ಮತ್ತು ರಾಧಿಕಾ ವಿವಾಹ ಪೂರ್ವ ಕಾರ್ಯಕ್ರಮ ಇತ್ತೀಚೆಗೆ ಅದ್ಧೂರಿಯಾಗಿ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಆಲಿಯಾ ಭಟ್ ಹಾಗೂ ರಣ್‌ಬೀರ್ ಕಪೂರ್ ಕೂಡ ಭಾಗಿಯಾಗಿದ್ರು. ಇಬ್ಬರೂ ಕಾರ್ಯಕ್ರಮದಲ್ಲಿ ಮಿಂಚಿದ್ದು ಅವುಗಳ ಸುಂದರ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ.
ಅನಂತ್ ಅಂಬಾನಿ, ರಾಧಿಕಾ ಮರ್ಚೆಂಟ್ ಅವರ ವಿವಾಹ ಪೂರ್ವ ಕಾರ್ಯಕ್ರಮಕ್ಕೆ ಮಗಳು ರಾಹಾ ಜೊತೆ ಆಲಿಯಾ ದಂಪತಿ ಹಾಜರಿ ಹಾಕಿದ್ದರು. ಕಪ್ಪು ಪ್ಯಾಂಟ್, ವೈಟ್ ಶರ್ಟ್‌ಗೆ ನೇರಳೆ ಬಣ್ಣದ ಕೋಟ್ ಅನ್ನು ರಣ್‌ಬೀರ್ ಧರಿಸಿದ್ರೆ, ಆಲಿಯಾ ಲೈಟ್ ಬಣ್ಣದ ಡ್ರೆಸ್‌ನಲ್ಲಿ ಮಿಂಚಿದ್ದಾರೆ. ಇದೀಗ ತಡವಾಗಿ ಕಾರ್ಯಕ್ರಮದ ಫೋಟೋವನ್ನು ನಟಿ ಶೇರ್ ಮಾಡಿದ್ದಾರೆ.
ಇನ್ನೂ ಸಿನಿಮಾಗಳ ವಿಚಾರಕ್ಕೆ ಬಂದ್ರೆ ಆಲಿಯಾ ಭಟ್ ಹಾಗೂ ರಣಬೀರ್ ಹಲವು ಪ್ರಾಜೆಕ್ಟ್ ನಲ್ಲಿ ಬ್ಯುಸಿಯಾಗಿದ್ದಾರೆ. ರಾಮಾಯಣ, ಅನಿಮಲ್ 2 ಸೇರಿದಂತೆ ಹಲವು ಸಿನಿಮಾಗಳು ರಣಬೀರ್ ಕೈಯಲ್ಲಿವೆ. ನಟಿ ಆಲಿಯಾ ಭಟ್ ಮಗಳ ಜೊತೆಗೆ ಸಿನಿಮಾದ ಕೆಲಸಗಳನ್ನು ಮ್ಯಾನೇಜ್ ಮಾಡುತ್ತಿದ್ದಾರೆ. ಮಗಳು ದೊಡ್ಡವಳಾಗುತ್ತಿದ್ದು ಹೆಚ್ಚಿನ ಸಮಯವನ್ನು ಮಗಳ ಜೊತೆ ಕಳೆಯುತ್ತಿದ್ದಾರೆ.
