ವಿಶ್ವದ ಶ್ರೀಮಂತ ಉದ್ಯಮಿಮುಖೇಶ್ ಅಂಬಾನಿ ತಮ್ಮ ಪುತ್ರ ಅನಂತ್ ಅಂಬಾನಿ ವಿವಾಹವನ್ನು ಸಾಕಷ್ಟು ಅದ್ದೂರಿಯಾಗಿ ಮಾಡಿದ್ದಾರೆ. ಅನಂತ್ ಹಾಗೂ ರಾಧಿಕಾ ಮದುವೆಗೆ ಚಿತ್ರರಂಗದ ಗಣ್ಯರು, ರಾಜಕೀಯ ಮುಖಂಡರು, ಕ್ರಿಕೆಟ್ ತಾರೆಯರು ಸೇರಿದಂತೆ ಸಾಕಷ್ಟು ಮಂದಿ ಆಗಮಿಸಿದ್ದರು.
ಸ್ಯಾಂಡಲ್ ವುಡ್, ಹಾಲಿವುಡ್ ಬಾಲಿವುಡ್, ಟಾಲಿವುಡ್, ಕಾಲಿವುಡ್ ಹೀಗೆ ಪ್ರತಿಯೊಂದು ಚಿತ್ರರಂಗದ ಸ್ಟಾರ್ಸ್ ಗಳನ್ನು ಮದುವೆಗೆ ಆಹ್ವಾನಿಸಲಾಗಿತ್ತು. ಅಂತೆಯೇ ಸದ್ಯ ಬಾಲಿವುಡ್ ನಲ್ಲಿ ಮಿಂಚುತ್ತಿರುವ ಕನ್ನಡದ ಹುಡುಗಿ ನಟಿ ರಶ್ಮಿಕಾ ಮಂದಣ್ಣ ಅವರಿಗೂ ಆಹ್ವಾನ ನೀಡಲಾಗಿತ್ತು.
ದೇಶ ವಿದೇಶದಿಂದ ಸೆಲೆಬ್ರಿಟಿಗಳು, ರಾಜಕೀಯ ವ್ಯಕ್ತಿಗಳು, ಗಣ್ಯರು ಭಾಗಿಯಾದ ಅಂಬಾನಿ ಕುಟುಂಬದ ಕುಡಿ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚಂಟ್ ಅದ್ದೂರಿ ಮದುವೆಯಲ್ಲಿ ನಟಿ ರಶ್ಮಿಕಾ ಮಂದಣ್ಣ ಕೂಡ ಭಾಗಿಯಾಗಿದ್ದರು.
ರಶ್ಮಿಕಾ ಮಂದಣ್ಣ ಮಿರರ್ ವರ್ಕ್ ಮತ್ತು ಗೋಲ್ಡನ್ ಡಿಸೈನ್ ಇರುವಂತಹ ಕಡು ನೀಲಿ ಬಣ್ಣದ ಸೀರೆಯುಟ್ಟು ಅದಕ್ಕೆ ನೀಲಿ ಬಣ್ಣದ ಸ್ಲೀವ್ ಲೆಸ್ ಬ್ಲೌಸ್ ತೊಟ್ಟು, ತಲೆಗೆ ದುಂಡು ಮಲ್ಲಿಗೆ ಹೂವು ಮುಡಿದು ಸಾಕಷ್ಟು ಮುದ್ದಾಗಿ ರಶ್ಮಿಕಾ ಮದುವೆಯಲ್ಲಿ ಭಾಗಿಯಾಗಿದ್ರು.
ಅದ್ದೂರಿ ಮದುವೆಗೆ ಸಿಂಪಲ್ ಎಂಡ್ ಬ್ಯೂಟಿಫುಲ್ ಆಗಿ ಬಂದಿದ್ರು ನೆಟ್ಟಿಗರು ಮಾತ್ರ ರಶ್ಮಿಕಾರನ್ನು ಸಖತ್ತಾಗಿಯೇ ಕಾಲೆಳೆದಿದ್ದಾರೆ. ರಶ್ಮಿಕಾ ಸ್ಲೀವ್ ಲೆಸ್ ಬ್ಲೌಸ್ ಧರಿಸಿದ್ರಿಂದ ಅವರ ಬಾಡಿ, ಮಸಲ್ಸ್ ಎಲ್ಲವು ಎದ್ದು ಕಾಣುವಂತಿತ್ತು.
ರಶ್ಮಿಕಾ ಮಂದಣ್ಣ ನೋಡಿದ್ರೆ ಹೀರೋಯಿನ್ ಥರ ಕಾಣಿಸ್ತಿಲ್ಲಾ, ಬಾಡಿ ಬಿಲ್ಡರ್ ಥರ ಕಾಣಿಸ್ತಿದ್ದಾರೆ. ಸಿನಿಮಾ ರಂಗದ ಹೆಚ್ಚಿನ ನಟರಿಗಿಂತ ರಶ್ಮಿಕಾ ಹೆಚ್ಚು ಮಸ್ಕ್ಯುಲರ್ ಆಗಿ ಕಾಣಿಸ್ತಿದ್ದಾರೆ. ಬೈಸೆಪ್ಸ್ ನೋಡಿ, ಆರ್ಮ್ಸ್ ಹೇಗಿದೆ ನೋಡಿ, ಲೇಡಿ ಬಾಡಿ ಬಿಲ್ಡರ್ ಎಂದೆಲ್ಲಾ ಕಾಮೆಂಟ್ ಮಾಡಿದ್ದಾರೆ.
ಇನ್ನೊಂದಿಷ್ಟು ಜನ ರಶ್ಮಿಕಾ ತನ್ನ ನ್ಯಾಚುರಲ್ ಬ್ಯೂಟಿನೆ ಕಳ್ಕೊಂಡು ಬಿಟ್ಟಿದ್ದಾರೆ. ಹಿಂದೆಯಿಂದ ನೋಡಿದ್ರೆ ಹುಡುಗರ ಥರನೇ ಕಾಣಿಸ್ತಿದ್ದಾರೆ. ಇವರನ್ನ ಹೀರೋಯಿನ್ ಆಗಿ ಇಷ್ಟ ಪಡ್ತಿರೋ ಜನ ಯಾರಪ್ಪ ಅಂತಾನೂ ಕೇಳಿದ್ದಾರೆ. ಇನ್ನೂ ಕೆಲವರಂತೂ ರಶ್ಮಿಕಾ ಪೂರ್ತಿ ವಿಡಿಯೋ ನೋಡೋ ಮೊದಲು, ಆಕೆಯ ಬ್ಯಾಕ್ ಪೋಸ್ ನಲ್ಲಿ ರಶ್ಮಿಕಾ ಬಾಡಿ ನೋಡಿ ಟ್ರಾನ್ಸ್ ಜೆಂಡರ್ ಆಗಿರ್ಬಹುದು ಅಂದ್ಕೊಂಡೆ ಎಂದು ಕಾಮೆಂಟ್ ಮಾಡಿದ್ದಾರೆ.
ರಶ್ಮಿಕಾ ಪಾಪರಾಜಿಗಳ ಮುಂದೆ ಕಾಣಿಸಿಕೊಂಡಿದ್ದು, ಬೇರೆ ಬೇರೆ ಭಂಗಿಯಲ್ಲಿ ಪೋಸ್ ಕೊಡುತ್ತಾ, ತಮ್ಮ ಐಕಾನಿಕ್ ಹಾರ್ಟ್ ಸಿಂಬಲ್ ತೋರಿಸುತ್ತಾ, ಪುಷ್ಪಾ ಸ್ಟೈಲ್ ಕೂಡ ಮಾಡ್ತಾ ಪೋಸ್ ನೀಡ್ತಿರೋ ವಿಡಿಯೋ ಒಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ರಶ್ಮಿಕಾ ಸೌಂದರ್ಯಕ್ಕೆ ಫ್ಯಾನ್ಸ್ ಕ್ಲೀನ್ ಬೋಲ್ಡ್ ಆಗಿದ್ದಾರೆ.
ಕೊಡಗಿನ ಬ್ಯೂಟಿ, ಕನ್ನಡದ ಹುಡುಗಿ ನಟಿ ರಶ್ಮಿಕಾ ಮಂದಣ್ಣ ಸದ್ಯ ಬಾಲಿವುಡ್ ಹಾಗೂ ಟಾಲಿವುಡ್ ಸಿನಿಮಾಗಳಲ್ಲಿ ಬ್ಯುಸಿ ಆಗಿದ್ದಾರೆ. ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಬ್ಯುಸಿಯಾಗಿರುವ ನಟಿ ಬಿಡುವು ಮಾಡಿಕೊಂಡು ಅನಂತ್ ಅಂಬಾನಿ ಹಾಗೂ ರಾಧಿಕಾ ಮರ್ಚೆಂಟ್ ಅದ್ಧೂರಿ ಮದುವೆಯಲ್ಲಿ ಭಾಗಿಯಾಗಿದ್ದಾರೆ.
ಸದ್ಯ ರಶ್ಮಿಕಾ ಕೈಯಲ್ಲಿ ಸಾಕಷ್ಟು ಸಿನಿಮಾಗಳಿಗೆ. ರಶ್ಮಿಕಾ ಮಂದಣ್ಣ ಅಲ್ಲು ಅರ್ಜುನ್ ನಟನೆಯ ಪುಷ್ಫ 2 ಸಿನಿಮಾ ರಿಲೀಸ್ ಡೇಟ್ ಮುಂದೂಡಲಾಗಿದೆ. ಆಗಸ್ಟ್ 15ರ ಬದಲು ಪುಷ್ಪ 2 ಸಿನಿಮಾ ಡಿಸೆಂಬರ್ 6ಕ್ಕೆ ಬಿಡುಗಡೆಯಾಗಲಿದೆ ಎಂದು ಚಿತ್ರತಂಡ ಅನೌನ್ಸ್ ಮಾಡಿದೆ. ಇತ್ತೀಚೆಗೆ ಹಿಂದಿಯಲ್ಲಿ ಪ್ಯಾನ್ ಇಂಡಿಯಾ ಫಿಲ್ಮ್ ಅನಿಮಲ್ ನಲ್ಲಿ ರಶ್ಮಿಕಾ ನಟಿಸಿದ್ರು. ಈ ಸಿನಿಮಾ ಮೂಲಕ ಮತ್ತೊಂದು ಬಿಗ್ ಹಿಟ್ ಅನ್ನು ಬುಟ್ಟಿಗೆ ಹಾಕಿಕೊಂಡಿದ್ದಾರೆ.
ಇನ್ನು ರಶ್ಮಿಕಾ ಮಂದಣ್ಣ ಸಿನಿಮಾಗಳ ವಿಚಾರವನ್ನು ನೋಡುವುದಾದ್ರೆ. ರಶ್ಮಿಕಾ ಅಭಿನಯದ ಪುಷ್ಪಾ 2: ದಿ ರೂಲ್ – ಡಿಸೆಂಬರ್ನಲ್ಲಿ ಬಿಡುಗಡೆಯಾಗಲಿದೆ. ವಿಡಿ 12 – ವಿಜಯ್ ದೇವರಕೊಂಡ – ಗೌತಮ್ ತಿನ್ನನೂರಿ ಚಿತ್ರದಲ್ಲಿ ರಶ್ಮಿಕಾ ನಟಿಸಲಿದ್ದಾರೆ ಎನ್ನಲಾಗ್ತಿದೆ. ಡಿ 51 – ಧನುಷ್ ಮತ್ತು ಶೇಖರ್ ಕಮ್ಮುಲ ಚಿತ್ರದ ಶೂಟಿಂಗ್ ನಲ್ಲಿ ರಶ್ಮಿಕಾ ಬ್ಯುಸಿ ಆಗಿದ್ದಾರೆ. ರವಿತೇಜ – ಗೋಪಿಚಂದ್ ಮಲಿನೇನಿ ಚಿತ್ರ ಜೊತೆಗೆ ರೈನ್ಬೋ – ಲೇಡಿ ಓರಿಯೆಂಟೆಡ್ ಸಿನಿಮಾಗಳ ಮೂಲಕ ರಶ್ಮಿಕಾ ತೆರೆ ಮೇಲೆ ಕಾಣಿಸಿಕೊಳ್ಳಲಿದ್ದಾರೆ. ಅಲ್ಲದೆ ಬಾಲಿವುಡ್ ಸ್ಟಾರ್ ನಟ ಸಲ್ಮಾನ್ ಖಾನ್ ನಟನೆಯ ಸಿನಿಮಾದಲ್ಲೂ ರಶ್ಮಿಕಾ ತೊಡಗಿಕೊಂಡಿದ್ದಾರೆ.
