ರಿಯಲ್ ಸ್ಟಾರ್ ಉಪೇಂದ್ರ ನಟನೆಯ ಉಪೇಂದ್ರ ಸಿನಿಮಾ ರೀ–ರಿಲೀಸ್ ಆಗಿದೆ. ಉಪೇಂದ್ರ ಥಿಯೇಟರ್ ಗೆ ಬರ್ತಾರೆ ಅನ್ನೋ ಕಲ್ಪನೆಯೂ ಇಲ್ಲದೆ ಸಿನಿಮಾ ನೋಡುತ್ತಿದ್ದ ಅಭಿಮಾನಿಗಳಿಗೆ ರಿಯಲ್ ಸ್ಟಾರ್ ಸರ್ಫ್ರೈಸ್ ನೀಡಿದ್ದಾರೆ. ತಮ್ಮದೇ ಉಪೇಂದ್ರ ಚಿತ್ರವನ್ನ ಬೆಳ್ಳಂಬೆಳಗ್ಗೆ 6 ಗಂಟೆ ಶೋಗೆ ಹೋಗಿ ವೀಕ್ಷಿಸಿದ್ದಾರೆ.
ಬೆಂಗಳೂರಿನ ಕೆ.ಜಿ.ರಸ್ತೆಯ ನರ್ತಕಿ ಥಿಯೇಟರ್‌ಗೆ ಉಪೇಂದ್ರ ಭೇಟಿ ನೀಡಿ ಉಪೇಂದ್ರ ಸಿನಿಮಾ ನೋಡಿದ್ದಾರೆ. ತಮ್ಮದೇ ಚಿತ್ರವನ್ನತಾವೇ ನೋಡಿ ಖುಷಿ ಪಟ್ಟಿದ್ದಾರೆ. ಅಭಿಮಾನಿಗಳ ಜೊತೆ ಕುಳಿತು ಸಿನಿಮಾ ನೋಡಿರೋ ಫೋಟೋಗಳು ಕೂಡ ಗಮನ ಸೆಳೆಯುತ್ತಿವೆ.
ಉಪೇಂದ್ರ ತಮ್ಮ ಸಿನಿ ಜೀವನದಲ್ಲಿ ಮಾಡಿರೋ ಸಿನಿಮಾಗಳಲ್ಲಿ ಉಪೇಂದ್ರ ವಿಶೇಷ ಚಿತ್ರವೇ ಆಗಿದೆ. ಇದನ್ನ 25 ವರ್ಷದ ಬಳಿಕ ರೀ-ರಿಲೀಸ್ ಮಾಡಿರೋದೇ ವಿಶೇಷ ನೋಡಿ. ಹಾಗಾಗಿಯೇ ಉಪೇಂದ್ರ ಜನ್ಮ ದಿನದ ಹಿನ್ನೆಲೆಯಲ್ಲಿ ಇದನ್ನ ರೀ-ರಿಲೀಸ್ ಮಾಡಿರೋದು ಮತ್ತೊಂದು ವಿಶೇಷವೇ ಆಗಿದೆ.
ಸಿನಿಮಾಗಳು ರೀ-ರಿಲೀಸ್ ಆದಾಗ ಆಯಾ ನಾಯಕರು ಥಿಯೇಟರ್‌ಗೆ ಬರೋದು ಕಡಿಮೇನೆ. ಆದರೆ, ಉಪ್ಪಿ ಅದನ್ನ ಸುಳ್ಳು ಮಾಡಿದ್ದಾರೆ. ತಮ್ಮ ಚಿತ್ರವನ್ನ ಮೊದಲ ರಿಲೀಸ್ ತರವೇ ಸಂಭ್ರಮಿಸಿದ್ದಾರೆ. 25 ವರ್ಷದ ಬಳಿಕ ಬಂದ ಚಿತ್ರವನ್ನ ಮತ್ತೊಮ್ಮೆ ಥಿಯೇಟರ್‌ನಲ್ಲಿ ನೋಡಿ ಖುಷಿಪಟ್ಟಿದ್ದಾರೆ ನೋಡಿ.
ಉಪೇಂದ್ರ ಸಿನಿಮಾ ಬೆಂಗಳೂರಿನ ನರ್ತ್‌ಕಿ ಥಿಯೇಟರ್‌ನಲ್ಲಿ ರೀ-ರಿಲೀಸ್ ಆಗಿದೆ. ಬೆಳಗ್ಗೆ 6 ಗಂಟೆಗೇನೆ ಈ ಒಂದು ಶೋ ಇಡಲಾಗಿದೆ. ಹಾಗಾಗಿಯೇ ಉಪ್ಪಿ ಬೆಳಗ್ಗೇನೆ ಥಿಯೇಟರ್‌ಗೆ ಬಂದಿದ್ದಾರೆ. ಅಭಿಮಾನಿಗಳ ಜೊತೆಗೆ ಸಿನಿಮಾ ನೋಡಿ ಖುಷಿಪಟ್ಟಿದ್ದಾರೆ.
ಉಪೇಂದ್ರ ಚಿತ್ರ ಇನ್ನೂ ಒಂದು ಥಿಯೇಟರ್‌ನಲ್ಲಿ ರಿಲೀಸ್ ಆಗಿದೆ. ಹೌದು, ವೀರೇಶ್ ಥಿಯೇಟರ್‌ನಲ್ಲೂ ಉಪೇಂದ್ರ ಸಿನಿಮಾ ತೆರೆ ಕಂಡಿದೆ. ನರ್ತಕಿ ವಿಸಿಟ್ ಮುಗಿದ ಬಳಿಕ ಉಪೇಂದ್ರ ನರ್ತಕಿ ಥಿಯೇಟರ್‌ಗೂ ಹೋಗಿದ್ದಾರೆ. ಅಲ್ಲೂ ಅಭಿಮಾನಿಗಳ ಜೊತೆಗೆ ಕುಳಿತು ಸಿನಿಮಾ ನೋಡಲಿದ್ದಾರೆ.
