ರಾಕಿಂಗ್ ಸ್ಟಾರ್ ಯಶ್ ಮನೆಗೆ ಹೊಸ ಅತಿಥಿಯ ಆಗಮನವಾಗಿದೆ. ಈಗಾಗ್ಲೇ ಸಾಕಷ್ಟು ಐಷಾರಾಮಿ ಕಾರಿನ ಒಡೆಯನಾಗಿರುವ ಯಶ್ ಇದೀಗ ಮತ್ತೊಂದು ಐಷಾರಾಮಿ ಕಾರು ಖರೀದಿಸಿದ್ದಾರೆ.
ಯಶ್ ಅವರ ಮನೆಗೆ ಇದೀಗ ರೇಂಜ್ ರೋವರ್ ಕಾರು ಆಗಮಿಸಿದೆ. ಕಪ್ಪು ಬಣ್ಣದ ಕಾರು ಖರೀದಿಸಿರುವ ಯಶ್ ಪತ್ನಿ ರಾಧಿಕಾ ಹಾಗೂ ಮಕ್ಕಳಾದ ಆರ್ಯಾ ಹಾಗೂ ಯರ್ಥರ್ವ್ ಜೊತೆ ಸುತ್ತಾಡಿದ್ದಾರೆ. ಸದ್ಯ ಈ ಹೊಸ ಕಾರಿನಲ್ಲಿ ಸುತ್ತಾಡಿದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಯಶ್ ಖರೀದಿರುವ ಕಾರಿನ ಬೆಲೆ ಎಷ್ಟು ಎಂದು ಫ್ಯಾನ್ಸ್ ಹುಡುಕಾಡುತ್ತಿದ್ದಾರೆ.
ಯಶ್ ಖರೀದಿಸಿರುವ ಈ ಕಾರಿನ ಬೆಲೆ ಬರೋಬ್ಬರಿ 4ರಿಂದ 5 ಕೋಟಿ ರೂಪಾಯಿ ಆಗಿದೆ. ಅನೇಕ ಐಷಾರಾಮಿ ಸೌಲಭ್ಯಗಳು ಈ ಕಾರಿನಲ್ಲಿವೆ. ಈಝೀ ಸಿಟ್ಟಿಂಗ್, ಏಸಿ, ಕಂಫರ್ಟರ್ ಆಪ್ಶನ್ಗಳನ್ನು ಹೆಚ್ಚು ಹೊಂದಿರುವ ಈ ಕಾರು ಶ್ರೀಮಂತ ಗ್ರಾಹಕರ ಮೊದಲ ಆಯ್ಕೆಯಾಗಿದೆ.
