ಟಾಕ್ಸಿಕ್…ರಾಕಿಂಗ್‌ ಸ್ಟಾರ್‌ ಯಶ್ ಭತ್ತಳಿಕೆ ಹೈವೋಲ್ಟೇಜ್‌ ಸಿನಿಮಾ ಅನ್ನೋದು ನಿಮ್ಮೆಲ್ಲರಿಗೂ ಗೊತ್ತೆಯಿದೆ. ಈ ಚಿತ್ರಕ್ಕಾಗಿ ಬರೀ ಪ್ಯಾನ್‌ ಇಂಡಿಯಾ ಮಾತ್ರವಲ್ಲ ಪ್ಯಾನ್‌ ವರ್ಲ್ಡ್‌ ಪ್ರೇಕ್ಷಕರು ಚಾತಕ ಪಕ್ಷಗಳಂತೆ ಕಾಯ್ತಿದ್ದಾರೆ. ಟೈಟಲ್‌ ಟೀಸರ್‌ ಹೊರಬಂದ್ಮೇಲಂತೂ ನೂರೆಂಟು ನಿರೀಕ್ಷೆ ಇಟ್ಕೊಂಡು ಎದುರುನೋಡ್ತಿದ್ದಾರೆ. ಟಾಕ್ಸಿಕ್‌ನಲ್ಲಿ ಮಾನ್‌ಸ್ಟರ್‌ ಯಶ್ ಲುಕ್ಕು-ಗೆಟಪ್ಪು ಹೇಗಿರ್ಬೋದು, ಅದ್ಯಾವ ನಯಾ ಅವತಾರವೆತ್ತಿ ನರಾಚಿ ಲೋಕದ ರಣಧೀರ ಧಗಧಗಿಸಬಹುದು? ಕೆಜಿಎಫ್ ನಲ್ಲಿ ಚಿನ್ನ ದೋಚಿದ್ದ ರಾಕಿ ಟಾಕ್ಸಿಕ್ ಮೂಲಕ ಅದ್ಯಾವಾ ಕಥೆ ಹೇಳಬಹುದು ಅಂತ ಕುತೂಹಲಭರಿತರಾಗಿ ಕಾಯ್ತಿದ್ದಾರೆ. ಹೀಗಿರುವಾಗಲೇ ಟಾಕ್ಸಿಕ್ ಶೂಟಿಂಗ್ ಬಗ್ಗೆ ಧಮಾಕೇದಾರ್‌ ಅಪ್‌ಡೇಟ್‌ ಹೊರಬಿದ್ದಿದೆ.
ಟಾಕ್ಸಿಕ್ ಶೂಟಿಂಗ್ ಶುರುವಾಗಿದಿಯೋ ಇಲ್ವೋ? ಶುರುವಾಗದಿದ್ರೆ ಆಗೋದು ಯಾವಾಗ ಎಂಬ ಪ್ರಶ್ನೆ ಯಶ್ ಭಕ್ತಗಣವನ್ನು ಕಾಡ್ತಿದೆ. ಇತ್ತೀಚೆಗಷ್ಟೇ ಗೋವಾ ಕಡಲಡಿಯಲ್ಲಿ ತಂಡದ ಜೊತೆ ಕಾಣಿಸಿಕೊಂಡಿದ್ದ ಯಶ್ ತಮ್ಮ ಇಷ್ಟದ ಜಾಗದಲ್ಲಿ ಚಿತ್ರೀಕರಣಕ್ಕೆ ಚಾಲು ಕೊಟ್ಟಿದ್ದಾರೆ ಎನ್ನಲಾಗಿತ್ತು. ಅಸಲಿಗೆ ಗೋವಾದಲ್ಲಿ ಅಲ್ಲ ಬೆಂಗಳೂರಿನಲ್ಲಿಯೇ ಟಾಕ್ಸಿಕ್ ಶೂಟಿಂಗ್ ಶುರುವಾಗಿದೆ ಅನ್ನೋದು ವಿಶೇಷ. ಆಗಾಗ ಫಾರಿನ್ ಸುತ್ತುತ್ತಿದ್ದ ಕೆಜಿಎಫ್ ಕಿಂಗ್‌ನ ನೋಡಿ ವಿದೇಶದಲ್ಲಿ ಚಿತ್ರೀಕರಣ ಚಾಲುವಾಗಿದೆ ಎಂಬ ಲೆಕ್ಕಚಾರ ಸಿನಿ ಸರ್ಕಲ್ ಹರಿದಾಡಿತ್ತು. ಬಟ್ ನಮ್ಮ ಸಿಲಿಕಾನ್ ಸಿಟಿಯಲ್ಲಿಯೇ ಮಲೆಯಾಳಂ ನಿರ್ದೇಶಕಿ ಗೀತು ಮೋಹನ್ ತಂಡ ಕಟ್ಟಿಕೊಂಡು ಟಾಕ್ಸಿಕ್ ಅಖಾಡಕ್ಕೆ ಇಳಿದಿದ್ದಾರೆ. ಮೇ 3 ತಾರೀಖಿನಿಂದ ಚಿತ್ರೀಕರಣ ಶುಭಾರಂಭವಾಗಿದೆ. ಅಷ್ಟಕ್ಕೂ ಈ ದಿನದಂದೇ ಶೂಟಿಂಗ್ ಶುರು ಮಾಡಿದ್ಯಾಕೆ ಎಂಬ ಕೂತೂಹಲಕ್ಕೆ ಉತ್ತರವೂ ಇದೆ. ಕೆಜಿಎಫ್ ಚಾಪ್ಟರ್ 1 ಫಸ್ಟ್ ಲುಕ್ ರಿಲೀಸ್ ಆಗಿದ್ದು ಇದೇ ದಿನದಂದು. ಹೀಗಾಗಿ ಈ ವಿಶೇಷ ದಿನದಂದೇ ಯಶ್ ತಮ್ಮ ಜಗದಲಗದ ಕನಸಿಗೆ ಚಾಲನೆ ಕೊಟ್ಟಿದ್ದಾರಂತೆ. ಏಳು ವರ್ಷದ ಹಿಂದೆ ಶುರುವಾದ ರಾಕಿ ಹೊಸ ಬೇಟೆ ಇವತ್ತು ಇಲ್ಲಿಗೆ ಬಂದು ತಲುಪಿದೆ. ಹೀಗಾಗಿ ಈ ದಿನವನ್ನು ಕೆಜಿಎಫ್ ಆಯ್ಕೆ ಮಾಡಿದ್ದಾರೆ ಎನ್ನಲಾಗ್ತಿದೆ. ಅಪ್ ಡೇಟ್ ಅಪ್ ಡೇಟ್ ಅನ್ನುತ್ತಿದ್ದ ಫ್ಯಾನ್ಸ್ ಕಿವಿ ಮೇಲೆ ಶೂಟಿಂಗ್ ಶುರುವಾಗಿರುವ ಮ್ಯಾಟರ್ ಬೀಳ್ತಿದ್ದಂತೆ ಸುಲ್ತಾನನ ಬೊಂಬಾಟ್ ಲುಕ್ ಹೇಗಿರುಬಹುದು ಅಂತಾ ಪ್ರಿಡಕ್ಷನ್ ಶುರು ಮಾಡಿದ್ದಾರೆ.
ಟಾಕ್ಸಿಕ್‌ನಲ್ಲಿ ಮಾನ್‌ಸ್ಟರ್‌ ಯಶ್ ಲುಕ್ಕು-ಗೆಟಪ್ಪು ಬಗ್ಗೆ ಬೆಟ್ಟದಷ್ಟು ನಿರೀಕ್ಷೆ ಇದೆ. ಇತ್ತೀಚೆಗಂತೂ ಯಶ್ ಹೋದಲ್ಲಿ ಬಂದಲ್ಲಿ ತಮ್ಮ ಹೇರ್ ಸ್ಟೈಲ್ ಸೀಕ್ರೆಟ್ ಮರೆ ಮಾಚುತ್ತಿದ್ದಾರೆ. ಗಡ್ಡಕ್ಕೆ ಹೊಸ ಶೇಫ್ ಕೊಟ್ಟಿರುವ ಸುಲ್ತಾನ ಈ ಲುಕ್ಕು ಟಾಕ್ಸಿಕ್ ಚಿತ್ರಕ್ಕಾಗಿನೇ ಅಂತ ಎರಡೇ ಪದದಲ್ಲಿ ಉತ್ತರಿಸೋದು ಅಸಾಧ್ಯ. ಯಾಕಂದ್ರೆ, ಯಶ್ ಕೈಯಲ್ಲಿ ಟಾಕ್ಸಿಕ್ ಮಾತ್ರವಲ್ಲ ಪರಭಾಷೆಯ ಸಿನಿಮಾಗಳು ಕೂಡ ಇದೆ. ಅದರಲ್ಲೂ ಬಾಲಿವುಡ್‌ ರಾಮಾಯಣ ಸಿನಿಮಾದಲ್ಲಿ ಮಾನ್‌ಸ್ಟರ್‌ ಯಶ್ ರಾವಣನಾಗಿ ಧಗಧಗಿಸ್ತಾರೆನ್ನುವ ಸುದ್ದಿ ಸುನಾಮಿ ಎಬ್ಬಿಸ್ತಿದೆ. ಈ ಬಗ್ಗೆ ಯಶ್ ಇಲ್ಲಿವರೆಗೂ ಸ್ಪಷ್ಟನೆ ಕೊಟ್ಟಿಲ್ಲವಾದರೂ ಕೂಡ ಬಿಟೌನ್‌ ಅಂಗಳದಲ್ಲಿ ಯಶ್ ರಾವಣನಾ ಗೋದು ಪಕ್ಕಾ ಅಂತಲೇ ಸುದ್ದಿ ಓಡಾಡ್ತಿದೆ. ಹೀಗಾಗಿ, ಅಣ್ತಮ್ಮನ ನಯಾ ವರಸೆ ಟಾಕ್ಸಿಕ್ ಚಿತ್ರಕ್ಕಾಗಿನಾ ಅಥವಾ ಬಿಟೌನ್‌ ರಾಮಾಯಣಕ್ಕಾಗಿನಾ ಅನ್ನೋ ಅನುಮಾನ ಮಾತ್ರ ದಟ್ಟವಾಗಿದೆ. ಒಂದಂತೂ ಸತ್ಯ ಟಾಕ್ಸಿಕ್ ನಲ್ಲಿ ರಾಕಿ ಲುಕ್ ಕ್ರೇಜಿಯಾಗಂತೂ ಇರಲಿದೆ.
ಡಬಲ್ ಶೇಡ್ ನಲ್ಲಿಯೂ ಮಾನ್ ಸ್ಟರ್ ಧಮಾಕ ಎಬ್ಬಿಸಲಿದ್ದಾರಂತೆ. ಬಟ್ ಇದ್ರಲ್ಲಿ ಯಾವುದು ಸತ್ಯವೋ ಯಾವುದೋ ಮಿಥ್ಯವೋ ಗೊತ್ತಿಲ್ಲ. ಇನ್ನೋದು ಧಾಮಾಕೇಧಾರ್ ಸಮಾಚಾರ ಏನಂದ್ರೆ ಕೆಜಿಎಫ್ ಸರಣಿ ಸಿನಿಮಾದಂತೆ ಟಾಕ್ಸಿಕ್ ಕೂಡ ಎರಡು ಭಾಗದಲ್ಲಿ ಬರಲಿದೆಯಂತೆ. ಗೊತ್ತಿಲ್ಲ..ಯಶ್ ತಲೆಯಲ್ಲಿ ಅದೇನೂ ಓಡಾಡ್ತಿದೆಯೋ?..ಟಾಕ್ಸಿಕ್ ನಾಯಕಿಯರ ವಿಚಾರಕ್ಕೆ ಬಂದ್ರೆ ರಾಕಿ ಪಕ್ಕದಲ್ಲಿ ನಿಲ್ತಾರೆ ಎಂಬ ಗುಟ್ಟು ಇನ್ನೂ ರಿವೀಲ್‌ ಆಗಿಲ್ಲ. ಬಟ್ ಸಿನಿಮಾ ಸೆಟ್ಟೇರಿದಾಗಿನಿಂದ ಸೌತ್‌ ಸಿನಿಮಾ ಇಂಡಸ್ಟ್ರಿಯ ಬಹುಬೇಡಿಕೆ ನಟಿಮಣಿಯರ ಹೆಸರುಗಳು ಕೇಳಿಬರ್ತಿದೆ. ರೌಡಿಬೇಬಿ ಸಾಯಿಪಲ್ಲವಿ, ಸಂಯುಕ್ತ ಮೆನನ್‌, ಮೃಣಾಲ್‌ ಠಾಕೂರ್‌, ಶ್ರುತಿಹಾಸನ್‌ ಹೀಗೆ ನಾಯಕಿಯರ ಪಟ್ಟಿ ಬೆಳೆಯುತ್ತಲೇ ಹೋಗ್ತಿದೆ. ಆದರೆ, ಪ್ರೊಡಕ್ಷನ್‌ ಕಡೆಯಿಂದಾಗ್ಲೀ, ನಿರ್ದೇಶಕಿ ಗೀತು ಮೋಹನ್ ದಾಸ್‌ ಕಡೆಯಿಂದಾಗ್ಲೀ ಹೀರೋಯಿನ್‌ ಸೆಲೆಕ್ಷನ್‌ ಬಗ್ಗೆ ಅಧಿಕೃತ ಮಾಹಿತಿ ಹೊರಬೀಳ್ತಿಲ್ಲ. ಬಟ್ ಕರೀನಾ ಕಪೂರ್ ಗೆ ರಾಕಿ ಭಾಯ್ ಆಗೋದಂತು ಖಚಿತ ಎನ್ನುತ್ತಿವೆ ಮೂಲಗಳು. ಸದ್ಯ ಶೂಟಿಂಗ್ ನಲ್ಲಿ ಯಶ್ ಜೊತೆ ಬೇಬೋ ಕೂಡ ಭಾಗಿಯಾಗಿದ್ದಾರೆ ಎನ್ನಲಾಗ್ತಿದೆ.
ಟಾಕ್ಸಿಕ್ ಬಹುಕೋಟಿ ವೆಚ್ಚದ ಸಿನಿಮಾ. ಗೋವಾದ ಡ್ರಗ್‌ ಮಾಫಿಯಾ ಕಥೆಯುಳ್ಳ ಚಿತ್ರ ಇದಾಗಿದ್ದು, ಮಲಯಾಳಂನ ಖ್ಯಾತ ನಿರ್ದೇಶಕಿ ಗೀತು ಮೋಹನ್ದಾಸ್ ಆಕ್ಷನ್‌ ಕಟ್‌ ಹೇಳ್ತಿದ್ದಾರೆ. ಇದೇ ಮೊದಲ ಭಾರಿಗೆ ರಾಕಿಭಾಯ್‌ ಜೊತೆ ಕಾಣಿಸಿಕೊಂಡಿದ್ದಾರೆ. ಇಷ್ಟು ದಿನ ಪ್ರಿಪ್ರೊಡಕ್ಷನ್‌ ವರ್ಕ್‌ನಲ್ಲಿ ಪಿನ್‌ ಟು ಪಿನ್‌ ವರ್ಕ್‌ ಮಾಡಿ ಫೀಲ್ಡ್‌ಗಿಳಿದಿರೋ ಟಾಕ್ಸಿಕ್ ತಂಡ ಇನ್ಮೇಲೆ ಬ್ಲಾಕ್‌ಬಸ್ಟರ್‌ ಅಪ್‌ಡೇಟ್‌ಗಳನ್ನ ನೀಡುತ್ತಾ ಬೆರಗುಗೊಳಿಸೋದ್ರಲ್ಲಿ ನೋ ಡೌಟ್‌. ಅಷ್ಟಕ್ಕೂ, ಟಾಕ್ಸಿಕ್‌ನಲ್ಲಿ ಯಾರೆಲ್ಲಾ ಇದ್ದಾರೆ. ಯಾರೆಲ್ಲಾ ಘಟಾನುಘಟಿ ತಾರೆಯರು ಸುಲ್ತಾನ್‌ಗೆ ಸಾಥ್‌ ನೀಡ್ತಿದ್ದಾರೆ. ಮಾನ್‌ಸ್ಟರ್‌ ಸಿನಿಮಾಗೆ ಯಾವೆಲ್ಲಾ ಟೆಕ್ನಿಷಿಯನ್ಸ್‌ಗಳು ವರ್ಕ್‌ ಮಾಡ್ತಿದ್ದಾರೆ ಅನ್ನೋದನ್ನ ಚಿತ್ರತಂಡ ಗೌಪ್ಯವಾಗಿರಿಸಿದೆ. ಕೆವಿಎನ್‌ ಹಾಗೂ ಮಾನ್‌ಸ್ಟರ್‌ ಕ್ರಿಯೇಷನ್ಸ್‌ ಜಂಟಿಯಾಗಿ ಟಾಕ್ಸಿಕ್ ಚಿತ್ರ ನಿರ್ಮಾಣ ಮಾಡ್ತಿದೆ. ಮೂಲಗಳ ಪ್ರಕಾರ ಗೀತು ಮೋಹನ್ದಾಸ್ ಪತಿಯೇ ಈ ಸಿನಿಮಾಗೆ ಕ್ಯಾಮೆರಾ ಹಿಡಿಯಲಿದ್ದಾರೆ ಎನ್ನಲಾಗುತ್ತಿದೆ. ಫಿಕ್ಸಾದ ಡೇಟ್‌ಗೆ ಅಂದರೆ ಏಪ್ರಿಲ್‌ 10 2025ಕ್ಕೆ ಟಾಕ್ಸಿಕ್ ತೆರೆಮೇಲೆ ಅನಾವರಣಗೊಳ್ಳಲಿದೆ.
