ಸ್ಯಾಂಡಲ್‌ವುಡ್‌ ನಟ ದರ್ಶನ್ ಅವರಿಗೆ ನಟಿ ಸುಮಲತಾ ಪ್ರೀತಿಯಿಂದ ದುಬಾರಿ ಗಿಫ್ಟ್ ನೀಡಿದ್ದಾರೆ. ಅಂದ ಹಾಗೆ ಸುಮಲತಾ ಗೋಲ್ಡ್ ಹಾಗೂ ಡೈಮೆಂಡ್ ಇರುವ ಆಕರ್ಷಕ ವಾಚ್ ಕೊಟ್ಟಿದ್ದು ಇತ್ತೀಚೆಗೆ ಶಸ್ತ್ರಚಿಕಿತ್ಸೆಗೆ ಒಳಗಾಗಿರುವ ಕೈಗೆ ತೊಟ್ಟು ಖುಷಿ ಪಟ್ಟಿದ್ದಾರೆ.
ದರ್ಶನ್ ನಟನೆಯ ಕಾಟೇರ ಸಿನಿಮಾ 100 ದಿನ ಪೂರೈಸಿದೆ. ಈ ಹಿನ್ನೆಲೆಯಲ್ಲಿ ಚಿತ್ರತಂಡ ಪತ್ರಿಕಾಗೋಷ್ಠಿ ಆಯೋಜಿಸಿತ್ತು. ಈ ಪತ್ರಿಕಾಗೋಷ್ಠಿಗೆ ಆಗಮಿಸಿದ್ದ ದರ್ಶನ್ ಸುಮಲತಾ ನೀಡಿದ್ದ ಗಿಫ್ಟ್ ತೊಟ್ಟು ಬಂದಿದ್ದು ಇದು ಎಲ್ಲರ ಗಮನ ಸೆಳೆದಿದೆ.
ದರ್ಶನ್ ಅವರನ್ನು ರೆಬೆಲ್ ಸ್ಟಾರ್ ಅಂಬರೀಶ್ ಹಾಗೂ ಸಮಲತಾ ಯಾವಾಗಲು ದೊಡ್ಡ ಮಗ ಎಂದೇ ಹೇಳುತ್ತಿರುತ್ತಾರೆ. ದರ್ಶನ್ ಕೂಡ ಸುಮಲತಾ ಅವರನ್ನ ನಮ್ಮ ಮದರ್ ಇಂಡಿಯಾ ಅಂತ ಸಾಕಷ್ಟು ಭಾರಿ ಹೇಳಿದ್ದಾರೆ.ಅದೇ ಪ್ರೀತಿಯಿಂದ ಮಗನಿಗೆ ಸುಮಲತಾ ಡೈಮೆಂಡ್ ವಾಚ್ ಕೊಟ್ಟಿದ್ದಾರೆ.
ಅಂದಹಾಗೆ ಇದು ಅಂಬಿಯ ಫೇವರಿಟ್ ವಾಚ್ ಅನ್ನೋ ಸತ್ಯವೂ ರಿವೀಲ್ ಆಗಿದೆ. ದರ್ಶನ್ ಅಮ್ಮ ಕೊಟ್ಟ ಈ ಗಿಫ್ಟ್ ಅನ್ನ ಕಾಟೇರ ಸ್ಪೆಷಲ್ ಪ್ರೆಸ್ ಮೀಟ್‌ಗೂ ಧರಿಸಿಕೊಂಡು ಬಂದಿದ್ದರು. ಅದೇ ಖುಷಿಯಲ್ಲಿಯೇ ಪಕ್ಕದಲ್ಲಿಯೇ ಇದ್ದ ರಾಕ್ ಲೈನ್ ವೆಂಕಟೇಶ್ ಅವರಿಗೆ ನೋಡಲು ಕೊಟ್ಟರು. ಡೈಲಾಗ್ ರೈಟರ್ ಮಾಸ್ತಿ ಕೂಡ ಇದನ್ನ ಕೈಯಲ್ಲಿ ಹಿಡಿದು ಕಣ್ಮುಂಬಿಕೊಂಡರು. ಇದು ಕೋಟಿ ಬೆಲೆ ಬಾಳೋ ವಾಚ್ ಅನ್ನೋ ಮಾಹಿತಿ ಇದೆ.
