ಬಿಗ್ಬಾಸ್ ಚೆಲುವೆ, ಚಾರ್ಲಿ ಬೆಡಗಿ ಸಂಗೀತಾ ಶೃಂಗೇರಿ ಇತ್ತೀಚೆಗೆ ಅದ್ದೂರಿಯಾಗಿ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದಾರೆ. ನಟಿಯ ಬರ್ತಡೇ ಪಾರ್ಟಿಯಲ್ಲಿ ಬಿಗ್ ಬಾಸ್ ಮಂದಿ ಭಾಗಿಯಾಗಿ ನಟಿಗೆ ಶುಭ ಹಾರೈಸಿದ್ದಾರೆ.
ಸಂಗೀತಾ ಶೃಂಗೇರಿ ಅವರು ಜನ್ಮದಿನದ ಪ್ರಯುಕ್ತ ಆಕೆಯ ಕುಟುಂಬಸ್ಥರು ಮಧ್ಯರಾತ್ರಿಯೇ ಡೆಕೋರೇಶನ್ ಮಾಡಿ, ಕೇಕ್ ಕಟ್ ಮಾಡಿಸಿ ಸರ್ಪ್ರೈಸ್ ನೀಡಿದ್ದಾರೆ.
‘ಬಿಗ್ ಬಾಸ್ ಕನ್ನಡ ಸೀಸನ್ 10’ ಸ್ಪರ್ಧಿ ಸಂಗೀತಾ ಶೃಂಗೇರಿ ಜನ್ಮದಿನಕ್ಕೆ ನೀತು ವನಜಾಕ್ಷಿ, ಡ್ರೋನ್ ಪ್ರತಾಪ್, ಬುಲೆಟ್ ರಕ್ಷಕ್ ಆಗಮಿಸಿ ಸ್ನೇಹಿತೆಗೆ ಶುಭ ಹಾರೈಸಿದ್ದಾರೆ.
ಸಂಗೀತಾ ಶೃಂಗೇರಿ ಅವರ ಜನ್ಮದಿನಕ್ಕೆ ನೀಲಿ, ಬಿಳಿ ಬಣ್ಣದ ಥೀಮ್‌ನಲ್ಲಿ ಕೇಕ್ ರೆಡಿ ಮಾಡಿಸಲಾಗಿತ್ತು. ಕೇಕ್ ಕತ್ತರಿಸಿದ ನಟಿ ಸಂಗೀತ ಸಂಭ್ರಮ ಪಟ್ಟಿದ್ದಾರೆ.
ಸಂಗೀತಾ ಶೃಂಗೇರಿ ಅವರ ಬರ್ತ್‌ಡೇ ಪಾರ್ಟಿಯಲ್ಲಿ ತಂದೆ-ತಾಯಿ, ಅಣ್ಣ-ಅತ್ತಿಗೆ ಸಖತ್ ಎಂಜಾಯ್ ಮಾಡಿದ್ದಾರೆ.
ಬಿಗ್ ಬಾಸ್ ಮನೆಯೊಳಗೆ ಇದ್ದಷ್ಟು ದಿನವೂ ಸಂಗೀತಾ ಶೃಂಗೇರಿ, ಡ್ರೋನ್ ಪ್ರತಾಪ್ ನಡುವೆ ಅಕ್ಕ-ತಮ್ಮನ ಬಾಂದವ್ಯ ಇತ್ತು. ಅದು ಈಗಲೂ ಮುಂದುವರೆದಿದೆ. ಸಂಗೀತ ಹುಟ್ಟುಹಬ್ಬಕ್ಕೆ ಶುಭ ಹಾರೈಸಲು ಬಂದ ಡ್ರೋನ್ ಪ್ರತಾಪ್ ಗೆ ಸಂಗೀತ ಆರತಿ ಬೆಳಗಿದ್ದಾರೆ.
ಬರ್ತಡೇ ಹಿನ್ನೆಲೆಯಲ್ಲಿ ಸಂಗೀತಾ ಶೃಂಗೇರಿ ಪುನೀತ್ ರಾಜ್‌ಕುಮಾರ್ ಅವರ ಸಮಾಧಿಗೆ ಭೇಟಿ ನೀಡಿದ್ದಾರೆ. ಈ ವೇಳೆ ಅಲ್ಲಿದ್ದವರಿಗೆ ಸಿಹಿ ನೀಡಿ ನಟಿ ಸಂಭ್ರಮಿಸಿದ್ದಾರೆ.
