ನಮ್ಮ ಕಾಲದಲ್ಲಿ ಬಿಡಿ ನಾವು ಶಾಲೆಗೆ ಹೋದಾಗ ಶಾಲೆಯಲ್ಲಿ ಬಿಸಿಯೂಟ ಮಾಡಿ ಇರುತ್ತಿದ್ದೆವು. ಆದರೆ ಈಗ ಕಾಲ ಬದಲಾಗಿದೆ. ಸಣ್ಣ ಮಕ್ಕಳನ್ನು ಕರ್ಮೆಂಟ್ ಹಾಕುವ ಪೋಷಕರು ತಮ್ಮ ಮಕ್ಕಳು ಹಸಿವಾಗದಿರಲಿ ಎಂದು ಊಟದ ಡಬ್ಬಿ ಜೊತೆಗೆ ಸ್ನ್ಯಾಕ್ಸ್ ಹಾಗೂ ಹಣ್ಣುಗಳನ್ನು ಕಟ್ ಮಾಡಿ ಹಾಕುತ್ತಾರೆ.
ಆದರೆ ಈ ವೇಳೆ ಪೋಷಕರು ಕೆಲವು ತಪ್ಪುಗಳನ್ನು ಮಾಡಬಾರದು. ಅದು ಏನು ಎಂಬುವುದನ್ನು ಇಲ್ಲಿ ತಿಳಿಸಲಾಗಿದೆ. ನೋಡಿ.
ಸೇಬು ಕಪ್ಪು ಬಣ್ಣಕ್ಕೆ ತಿರುಗಿದರೆ ಮಕ್ಕಳು ಮಾತ್ರವಲ್ಲ, ವಯಸ್ಕರು ಸಹ ಅದನ್ನು ತಿನ್ನಲು ಬಯಸುವುದಿಲ್ಲ. ಈ ಸಮಸ್ಯೆಯನ್ನು ಪರಿಹರಿಸಬಹುದು. ಸೇಬುಗಳು ಕಪ್ಪು ಬಣ್ಣಕ್ಕೆ ತಿರುಗುವುದನ್ನು ತಡೆಯಲು ಕೆಲವು ಮಾರ್ಗಗಳಿವೆ. ಅವುಗಳನ್ನು ಟಿಫಿನ್ ನಲ್ಲಿ ಪ್ಯಾಕ್ ಮಾಡುವ ಮೊದಲು ನೀವು ಕೆಲವು ಸಲಹೆಗಳನ್ನು ಅನುಸರಿಸಬಹುದು.
ಆ ಟ್ರಿಕ್ ಗಳ ಬಗ್ಗೆ ಇಂದು ನಾವು ನಿಮಗೆ ತಿಳಿಸುತ್ತೇವೆ. ಅದನ್ನು ಅನುಸರಿಸುವ ಮೂಲಕ ನೀವು ಸೇಬನ್ನು ಕಪ್ಪು ಬಣ್ಣಕ್ಕೆ ತಿರುಗದಂತೆ ಉಳಿಸಬಹುದು. ಈ ತಂತ್ರಗಳನ್ನು ಅನುಸರಿಸುವ ಮೂಲಕ ಆಕ್ಸಿಡೀಕರಣ ಪ್ರಕ್ರಿಯೆಯನ್ನು ನಿಲ್ಲಿಸಬಹುದು.
ಈ ತಂತ್ರಗಳೊಂದಿಗೆ ಸೇಬುಗಳನ್ನು ಕತ್ತರಿಸಿ: ಕತ್ತರಿಸಿದ ಸೇಬಿನ ಮೇಲೆ ನಿಂಬೆ ರಸವನ್ನು ಹಾಕಿ. ನೀವು ನಿಂಬೆ ರಸವನ್ನು ನೀರಿನಲ್ಲಿ ಕರಗಿಸಬಹುದು ಮತ್ತು ಅದರಲ್ಲಿ ಸೇಬು ತುಂಡುಗಳನ್ನು ಅದ್ದಬಹುದು. ನಿಂಬೆಯು ವಿಟಮಿನ್ ಸಿ ಅನ್ನು ಹೊಂದಿರುತ್ತದೆ, ಇದು ಆಕ್ಸಿಡೀಕರಣ ಪ್ರಕ್ರಿಯೆಯನ್ನು ನಿಧಾನಗೊಳಿಸುತ್ತದೆ. ಸೇಬುಗಳು ಕಪ್ಪು ಬಣ್ಣಕ್ಕೆ ತಿರುಗುವುದನ್ನು ತಡೆಯುತ್ತದೆ.
ಸೋಡಿಯಂ ಬೈಕಾರ್ಬನೇಟ್ (ಬೇಕಿಂಗ್ ಸೋಡಾ) ನ ಉಪಯೋಗಗಳು: ಅಡಿಗೆ ಸೋಡಾ ಆಕ್ಸಿಡೀಕರಣವನ್ನು ತಡೆಯಲು ಸಹ ಸಹಾಯ ಮಾಡುತ್ತದೆ. ಇದಕ್ಕಾಗಿ ಒಂದು ಕಪ್ ನೀರಿನಲ್ಲಿ ಅರ್ಧ ಚಮಚ ಅಡಿಗೆ ಸೋಡಾವನ್ನು ಸೇರಿಸಿ ಚೆನ್ನಾಗಿ ಕರಗಿಸಿ.ನಂತರ ಅದರಲ್ಲಿ ಸೇಬಿನ ತುಂಡುಗಳನ್ನು 3-5 ನಿಮಿಷಗಳ ಕಾಲ ಅದ್ದಿ ಮತ್ತು ಅವುಗಳನ್ನು ತೆಗೆದುಹಾಕಿ, ನಂತರ ಸೇಬುಗಳನ್ನು ಒಣಗಿಸಿ ಪ್ಯಾಕ್ ಮಾಡಿ.
ಉಪ್ಪು ನೀರಿನಲ್ಲಿ ಅದ್ದಿ: ಸೇಬಿಗೆ ಸ್ವಲ್ಪ ಉಪ್ಪು ಸೇರಿಸಿ ನೀರಿನಲ್ಲಿ ಮುಳುಗಿಸುವುದರಿಂದ ಸೇಬು ಕಪ್ಪಾಗುವುದನ್ನು ತಡೆಯಬಹುದು. ಒಂದು ಲೋಟ ನೀರಿನಲ್ಲಿ ಚಿಟಿಕೆ ಉಪ್ಪು ಸೇರಿಸಿ ಮತ್ತು ಅದರಲ್ಲಿ ಸೇಬು ತುಂಡುಗಳನ್ನು ಅದ್ದಿ 5-10 ನಿಮಿಷಗಳ ಕಾಲ ಬಿಡಿ. ನಂತರ ನೀರಿನಿಂದ ತೆಗೆದು ಟಿಫಿನ್ ನಲ್ಲಿ ಪ್ಯಾಕ್ ಮಾಡಬಹುದು
ಹೀಗೆ ಟಿಫಿನ್ ಪ್ಯಾಕ್ ಮಾಡಿ: ಗಾಳಿಯಾಡದ ಪಾತ್ರೆಗಳನ್ನು ಬಳಸಿ. ಸೇಬನ್ನು ಕತ್ತರಿಸಿ ಗಾಳಿಯ ಸಂಪರ್ಕಕ್ಕೆ ಬರದಂತೆ ಪ್ಯಾಕ್ ಮಾಡಿ. ನೀವು ಪೇಪರ್ ಟವೆಲ್ ಅನ್ನು ಸಹ ಬಳಸಬಹುದು. ಇದು ಸೇಬುಗಳು ಒದ್ದೆಯಾಗುವುದನ್ನು ಮತ್ತು ಕೊಳೆಯುವುದನ್ನು ತಡೆಯುತ್ತದೆ.
ಇದಲ್ಲದೆ, ನೀವು ಟಿಫಿನ್ ನಲ್ಲಿ ಸಣ್ಣ ಐಸ್ ತುಂಡುಗಳನ್ನು ಇಡಬಹುದು, ಇದರಿಂದ ತಾಪಮಾನವು ಕಡಿಮೆ ಇರುತ್ತದೆ ಮತ್ತು ಸೇಬುಗಳು ತಾಜಾವಾಗಿರುತ್ತವೆ.
