ಹುಬ್ಬಳ್ಳಿ: ಬಿಜೆಪಿಯಿಂದ ಟಿಕೆಟ್ ವಂಚಿತಗೊಂಡ ಮಾಜಿ ಸಿಎಂ ಜಗದೀಶ್ ಶೆಟ್ಟರ್ ಅವರು ಇಂದು ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಯಾಗಿದ್ದಾರೆ. ಬೆಂಗಳೂರು ನಿಂದ ತಮ್ಮ ನಿವಾಸಕ್ಕೆ ಆಗಮಿಸುತ್ತಿದ್ದಂತೆ ಶೆಟ್ಟರ್ ಅವರು ಕುಟುಂಬಸ್ಥರು ಮತ್ತು ಅಭಿಮಾನಿಗಳು, ಕಾಂಗ್ರೆಸ್ ಕಾರ್ಯಕರ್ತರು ಪುಷ್ಪಗಳಿಂದ ಸ್ವಾಗತ ಮಾಡಿಕೊಂಡರು.
ಇನ್ನು,,, ಶೆಟ್ಟರ್ ಅವರಿಗೆ ಬಿಜೆಪಿಯಿಂದ ಟಿಕೆಟ್ ನೀಡದ ಕಾರಣ ಕೆಲ ಬಿಜೆಪಿ ಪಾಲಿಕೆ ಸದಸ್ಯರು, ಮತ್ತು ಬಿಜೆಪಿ ಕಾರ್ಯಕರ್ತರು ತಮ್ಮ ಪ್ರಾಥಮಿಕ ಸ್ಥಾನಕ್ಕೆ ರಾಜೀನಾಮೆ ನೀಡಿದ್ದರು. ಈಗ ಜಗದೀಶ್ ಶೆಟ್ಟರ್ ಅವರು ಬಿಜೆಪಿ ಬಿಟ್ಟು ಕಾಂಗ್ರೆಸ್ ಸೇರುತ್ತಿದ್ದಂತೆ ರಾಜೀನಾಮೆ ನೀಡಿ ಶೆಟ್ಟರ್‌ಗೆ ಬೆಂಬಲ ನೀಡಿದ್ದ ಯಾರೊಬ್ಬ ಪಾಲಿಕೆ ಸದಸ್ಯರು ಇತ್ತ ಬಂದಿಲ್ಲ. ಸೆಂಟ್ರಲ್ ಕ್ಷೇತ್ರವನ್ನು ಬಿಜೆಪಿ ಭದ್ರಕೋಟೆ ಮಾಡಿದ ಶೆಟ್ಟರ್ ಅವರು ಕಾಂಗ್ರೆಸ್ ಪಕ್ಷ ಸೇರಿದ್ದಾರೆ. ಶೆಟ್ಟರ್ ಅವರು ಏನು ನಿರ್ಧಾರ ಮಾಡುತ್ತಾರೆ ನಾವು ಅದಕ್ಕೆ ಬದ್ದವಾಗಿದ್ದೇವೆ ಎಂದವರು ಯಾರು ಕೂಡ ಬದ್ದರಾಗಿಲ್ಲ.
ಅಷ್ಟೇ ಅಲ್ದೆ ಶೆಟ್ಟರ್ ಅವರ ಬಲಗೈ ಬಂಟರಾದ ಅದೆಷ್ಟೋ ಬಿಜೆಪಿ ಕಾರ್ಯಕರ್ತರು, ಮತ್ತು ಪಾಲಿಕೆ ಸದಸ್ಯರು ಶೆಟ್ಟರ್ ಕೈಬಿಟ್ಟಂತಾಗಿದೆ. ಇನ್ನೂ ಅಭಿಮಾನಿಗಳು ಮಾತ್ರ ಶೆಟ್ಟರ್ ದಾರಿಯಲ್ಲೇ ಪಯಣ ಮಾಡಲು ಸಿದ್ದರಾಗಿದ್ದಾರೆ. ಶೆಟ್ಟರ್ ಮನೆಗೆ ಕಾಂಗ್ರೆಸ್ ಕಾರ್ಯಕರ್ತರು ಹರಿದು ಬರುತ್ತಿದ್ದಾರೆ. ಆದ್ರೆ ಇವರನ್ನೇ ನಂಬಿದ ಬಿಜೆಪಿ ಕಾರ್ಯಕರ್ತರಿಗೆ ನಡು ಗೋಡೆಯ ಮೇಲೆ ದೀಪ ಇಟ್ಟಂತಾಗಿದೆ…
