ಟಾಲಿವುಡ್ ನಟಿ ಶೋಭಿತಾ ಇತ್ತೀಚೆಗೆ ಸಮಂತಾ ಮಾಜಿ ಪತಿ ನಾಗ ಚೈತನ್ಯ ಜೊತೆ ಎಂಗೇಜ್ ಮೆಂಟ್ ಮಾಡಿಕೊಂಡಿದ್ದಾರೆ. ಈ ಬೆನ್ನಲ್ಲೇ ಶೋಭಿತಾಗೆ ಮತ್ತೊಂದು ಗುಡ್ ನ್ಯೂಸ್ ಸಿಕ್ಕಿದೆ. ಈ ವಾರ ‘ಐಎಂಡಿಬಿ’ ಬಿಡುಗಡೆ ಮಾಡಿದ ಭಾರತದ ಜನಪ್ರಿಯ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಶೋಭಿತಾ ಅವರಿಗೆ 2ನೇ ಸ್ಥಾನ ಸಿಕ್ಕಿದೆ.
ನಾಗಚೈತನ್ಯ ಜೊತೆ ಶೋಭಿತಾ ಹೆಸರು ಕೇಳಿ ಬಂದ ಬಳಿಕ ಆಕೆಯ ಬಗ್ಗೆ ನೆಟ್ಟಿಗರಲ್ಲಿ ಕುತೂಹಲ ಶುರುವಾಗಿದೆ. ಆಕೆ ಯಾರು? ಹಿನ್ನೆಲೆ ಏನು?ಯಾವ ಸಿನಿಮಾ ಮಾಡಿದ್ದಾರೆ? ನಾಗಚೈತನ್ಯ ಹಾಗೂ ಶೋಭಿತಾ ಪರಿಚಯ ಹೇಗಾಯ್ತು ಎಂಬಿತ್ಯಾದಿಗಳನ್ನು ಹುಡುಕಾಡುತ್ತಿದ್ದಾರೆ. ಹಾಗಾಗಿ ಈ ವಾರ ‘ಐಎಂಡಿಬಿ’ ಬಿಡುಗಡೆ ಮಾಡಿದ ಭಾರತದ ಜನಪ್ರಿಯ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಶೋಭಿತಾ ಅವರಿಗೆ 2ನೇ ಸ್ಥಾನ ಸಿಕ್ಕಿದೆ.
ಶೋಭಿತಾ ಅವರು ಬಹುಭಾಷೆಯಲ್ಲಿ ನಟಿಸಿ ಫೇಮಸ್ ಆಗಿದ್ದಾರೆ. ಸಿನಿಮಾ, ವೆಬ್ ಸಿರೀಸ್ಗಳ ಮೂಲಕ ಅವರು ಹೆಸರು ಮಾಡಿದ್ದಾರೆ. ಇವೆಲ್ಲ ವೃತ್ತಿಬದುಕಿನ ವಿಷಯವಾದರೆ, ಖಾಸಗಿ ಬದುಕಿನ ಮೂಲಕವೂ ಅವರು ಸದ್ದು ಮಾಡುತ್ತಿದ್ದಾರೆ. ಟಾಲಿವುಡ್ ನಟ ನಾಗ ಚೈತನ್ಯ ಜೊತೆ ಅವರು ಹಲವು ದಿನಗಳಿಂದ ಡೇಟಿಂಗ್ ಮಾಡುತ್ತಿದ್ದರು. ಕೆಲವೇ ದಿನಗಳ ಹಿಂದೆ ನಿಶ್ಚಿತಾರ್ಥ ಮಾಡಿಕೊಂಡು ಗುಡ್ ನ್ಯೂಸ್ ನೀಡಿದರು.
‘ಐಎಂಡಿಬಿ’ ವೆಬ್ಸೈಟ್ ಪ್ರತಿ ವಾರ ಜನಪ್ರಿಯ ಸೆಲೆಬ್ರಿಟಿಗಳ ಪಟ್ಟಿ ಬಿಡುಗಡೆ ಮಾಡುತ್ತದೆ. ಈ ವಾರದ ಪಟ್ಟಿಯಲ್ಲಿ ಶೋಭಿತಾ ಅವರು 2ನೇ ಸ್ಥಾನ ಪಡೆದಿದ್ದಾರೆ. ನಂಬರ್ 1 ಸ್ಥಾನದಲ್ಲಿ ಬಾಲಿವುಡ್ ನಟಿ ಶಾರ್ವರಿ ವಾಘ್ ಇದ್ದಾರೆ. ಜಾನ್ ಅಬ್ರಾಹಂ ನಟನೆಯ ‘ವೇದಾ’ ಸಿನಿಮಾದಲ್ಲಿ ಶಾರ್ವರಿ ಅವರು ಪ್ರಮುಖ ಪಾತ್ರ ಮಾಡಿದ್ದಾರೆ. ಆಗಸ್ಟ್ 15ರಂದು ಈ ಚಿತ್ರ ಬಿಡುಗಡೆ ಆಗಲಿದೆ. ಆದ್ದರಿಂದ ಅವರು ಈ ವಾರದ ಜನಪ್ರಿಯ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಮೊದಲ ಸ್ಥಾನ ಪಡೆದುಕೊಂಡಿದ್ದಾರೆ.
ಮೂರನೇ ಸ್ಥಾನದಲ್ಲಿ ಶಾರುಖ್ ಖಾನ್ ಇದ್ದಾರೆ. ಅವರನ್ನು ಹಿಂದಿಕ್ಕಿ ಶೋಭಿತಾ ಅವರು 2ನೇ ಸ್ಥಾನ ಪಡೆದಿರುವುದು ಎಲ್ಲರಿಗೂ ಅಚ್ಚರಿ ಮೂಡಿಸಿದೆ. ಹಾಲಿವುಡ್ನ ‘ಮಂಕಿ ಮ್ಯಾನ್’ ಸಿನಿಮಾದಲ್ಲಿ ಶೋಭಿತಾ ನಟಿಸಿದ್ದಾರೆ. ‘ಕಲ್ಕಿ 2898 ಎಡಿ’ ಸಿನಿಮಾದ ತೆಲುಗು ವರ್ಷನ್ನಲ್ಲಿ ದೀಪಿಕಾ ಪಡುಕೋಣೆ ಪಾತ್ರಕ್ಕೆ ಶೋಭಿತಾ ಅವರು ಧ್ವನಿ ನೀಡಿದ್ದಾರೆ. ಈ ಎಲ್ಲ ಕಾರಣಗಳಿಂದಲೂ ಅವರು ಸುದ್ದಿಯಲ್ಲಿದ್ದಾರೆ. ಅದರ ಹೊರತಾಗಿ ನಟಿ ಹೆಚ್ಚು ಸದ್ದು ಮಾಡಿದ್ದು ನಾಗಚೈತನ್ಯ ಜೊತೆಗಿನ ಡೇಟಿಂಗ್ ಹಾಗೂ ಎಂಗೇಜ್ ಮೆಂಟ್ ಕಾರಣದಿಂದಾಗಿ.
