ಬೆಂಗಳೂರು: ಕರ್ನಾಟಕ ವಿಧಾನಸಭಾ ಚುನಾವಣೆಗೆ ಕಾಂಗ್ರೆಸ್‌ ಮೂರನೇ ಪಟ್ಟಿ ಬಿಡುಗಡೆ ಮಾಡಿದ್ದು, 43 ಕ್ಷೇತ್ರಗಳಿಗೆ ಅಭ್ಯರ್ಥಿಗಳನ್ನು ಘೋಷಿಸಿದೆ. ಈಗಾಗಲೇ ಮೊದಲ ಪಟ್ಟಿಯಲ್ಲಿ 124 ಹಾಗೂ ಎರಡನೇ ಪಟ್ಟಿಯಲ್ಲಿ 42 ಕ್ಷೇತ್ರಗಳಿಗೆ ಅಭ್ಯರ್ಥಿಗಳನ್ನು ಘೋಷಿಸಿದ್ದ ಕಾಂಗ್ರೆಸ್‌ ಈಗ 43 ಕ್ಷೇತ್ರಗಳಿಗೆ ಅಭ್ಯರ್ಥಿಗಳ ಹೆಸರು ಅಂತಿಮಗೊಳಿಸಿದ್ದು, ಇನ್ನು 15 ಕ್ಷೇತ್ರಗಳಿಗೆ ಅಭ್ಯರ್ಥಿಗಳನ್ನು ಘೋಷಿಸಬೇಕಿದೆ.
ಶುಕ್ರವಾರವಷ್ಟೇ ಬಿಜೆಪಿ ತೊರೆದು ಕಾಂಗ್ರೆಸ್‌ ಸೇರಿದ್ದ ಲಕ್ಷ್ಮಣ್‌ ಸವದಿಗೆ ಅಥಣಿ ಟಿಕೆಟ್‌ ನೀಡಲಾಗಿದೆ. ಸಿದ್ದರಾಮಯ್ಯನವರ ಎರಡು ಕ್ಷೇತ್ರ ಸ್ಪರ್ಧೆಗೆ ಸೊಪ್ಪುಹಾಕದ ಕಾಂಗ್ರೆಸ್‌ ಹೈಕಮಾಂಡ್‌ ಕೋಲಾರ ಕ್ಷೇತ್ರಕ್ಕೆ ಕೊತ್ತೂರು ಮಂಜುನಾಥ್‌ ಅವರಿಗೆ ಟಿಕೆಟ್‌ ನೀಡಿದೆ. ಚಿಕ್ಕಬಳ್ಳಾಪುರದಲ್ಲಿ ಆರೋಗ್ಯ ಸಚಿವ ಡಾ ಕೆ ಸುಧಾಕರ್‌ ಎದುರು ಪ್ರದೀಪ್ ಈಶ್ವರ್ ಅವರಿಗೆ ಟಿಕೆಟ್‌ ನೀಡಲಾಗಿದ್ದು, ಚಿಕ್ಕಪೇಟೆಗೆ ಆರ್ ವಿ ದೇವರಾಜ್ ಅವರಿಗೆ ಟಿಕೆಟ್‌ ಘೋಷಿಸಲಾಗಿದೆ.
ಕುಂದಗೋಳದಲ್ಲಿ ಹಾಲಿ ಶಾಸಕಿ ಕುಸುಮಾ ಶಿವಳ್ಳಿ ಅವರಿಗೆ ಟಿಕೆಟ್‌ ನೀಡಲಾಗಿದ್ದು, ಅರಸೀಕೆರೆ ಕ್ಷೇತ್ರಕ್ಕೆ ಶಿವಲಿಂಗೇಗೌಡ ಅವರಿಗೆ ಟಿಕೆಟ್‌ ಘೋಷಿಸಲಾಗಿದೆ.
ಕಾಂಗ್ರೆಸ್‌ ಅಭ್ಯರ್ಥಿಗಳ ಮೂರನೇ ಪಟ್ಟಿ!
- ಅಥಣಿ: ಲಕ್ಷ್ಮಣ್‌ ಸವದಿ
- ರಾಯಭಾಗ (ಎಸ್‌ಸಿ): ಮಹಾವೀರ್‌ ಮೋಹಿತ್‌
- ಅರಭಾವಿ: ಅರವಿಂದ ದಳವಾಯಿ
- ಬೆಳಗಾವಿ ಉತ್ತರ: ಆಸಿಫ್‌ ಸೇಠ್‌
- ಬೆಳಗಾವಿ ದಕ್ಷಿಣ: ಪ್ರಭಾವತಿ ಮಸ್ತ್‌ಮರಡಿ
- ತೇರದಾಳ: ಸಿದ್ದಪ್ಪ ರಾಮಪ್ಪ ಕೊನ್ನೂರ್‌
- ದೇವರ ಹಿಪ್ಪರಗಿ: ಶರಣಪ್ಪ ಟಿ ಸುಣಗಾರ್‌
- ಸಿಂಧಗಿ: ಅಶೋಕ್‌ ಎಂ ಮನಗೂಳಿ
- ಕಲಬುರಗಿ ಗ್ರಾಮೀಣ (ಎಸ್‌ಸಿ): ರೇವುನಾಯಕ್‌ ಬೆಳಮಗಿ
- ಔರಾದ್‌ (ಎಸ್‌ಸಿ): ಶಿಂಧೆ ಭೀಮಸೇನ್‌ ರಾವ್‌
- ಮಾನ್ವಿ (ಎಸ್‌ಟಿ): ಜಿ ಹಂಪಯ್ಯ ನಾಯಕ್‌
- ದೇವದುರ್ಗ (ಎಸ್‌ಟಿ): ಶ್ರೀದೇವಿ ಆರ್ ನಾಯಕ್‌
- ಸಿಂಧನೂರು: ಹಂಪನಗೌಡ ಬಾದರ್ಲಿ
- ನವಲಗುಂದ: ಎನ್‌ಎಚ್‌ ಕೋನರೆಡ್ಡಿ
- ಕುಂದಗೋಳ: ಕುಸುಮಾ ಶಿವಳ್ಳಿ
- ಕುಮಟಾ: ನಿವೇದಿತ ಆಳ್ವಾ
- ಸಿರಗುಪ್ಪ (ಎಸ್‌ಟಿ): ಬಿಎಂ ನಾಗರಾಜ್‌
- ಬಳ್ಳಾರಿ ನಗರ: ನಾರಾ ಭರತ್‌ ರೆಡ್ಡಿ
- ಜಗಳೂರು (ಎಸ್‌ಟಿ): ಬಿ ದೇವೇಂದ್ರಪ್ಪ
- ಹರಪನಹಳ್ಳಿ: ಎನ್‌ ಕೊಟ್ರೇಶ್‌
- ಕೋಲಾರ: ಕೊತ್ತೂರು ಮಂಜುನಾಥ್‌
- ಶಿರಹಟ್ಟಿ: ಸುಜಾತ ಎನ್‌ ದೊಡ್ಮನಿ
- ಮೂಡಿಗೆರೆ: ನಯನ ಮೊಟ್ಟಮ್ಮ
- ಅರಸೀಕೆರೆ: ಶಿವಲಿಂಗೇಗೌಡ
- ಚಿಕ್ಕಪೇಟೆ: ಆರ್ ವಿ ದೇವರಾಜ್
