ಮುಂಬೈೆ: ಮೈನಾ ನಾಗಶೇಖರ್ ಜೊತೆ ಬಾಲಿವುಡ್ ಪ್ರಖ್ಯಾತ ಗಾಯಕ ಸೋನು ನಿಗಮ್ ಮುಂಬೈನಲ್ಲಿ ಧಿಡೀರ್ ಪ್ರತ್ಯಕ್ಷವಾಗಿದ್ದಾರೆ..! ನಿರ್ಮಾಪಕ ಚಲವಾದಿ ಕುಮಾರ್ ಬಂಡವಾಳ ಹೂಡ್ತಿರೋ ಅದ್ದೂರಿ ಲವ್ ಸ್ಟೋರಿ ‘ಸಂಜು ವೆಡ್ಸ್ ಗೀತಾ-2’ಗೆ ಸೋನು ನಿಗಮ್ ಮೂರು ಹಾಡುಗಳನ್ನ ಹಾಡ್ತಿದಾರೆ. ಹಾಡುಗಳ ರೆಕಾರ್ಡಿಂಗ್ ನಲ್ಲಿ ಬ್ಯುಸಿಯಾಗಿರೋ ಸೋನುನಿಗಮ್, ನಾಗಶೇಖರ್ ಹಾಗೂ ನಿರ್ಮಾಪಕ ಚಲವಾದಿ ಕುಮಾರ್ ಜೊತೆ ಫೋಟೊ ತೆಗೆಸಿಕೊಂಡು ಸಂಭ್ರಮಿಸಿದ್ದಾರೆ. ಸೋನು ನಿಗಮ್ ಲವ್ ನಂಬರ್ ಗಳನ್ನ ಹಾಡೋದ್ರಲ್ಲಿ ಎತ್ತಿದ ಕೈ..! ಹಾಗಾಗಿಯೇ ಸಂಜು ವೆಡ್ಸ್ ಗೀತಾ-2ಗೆ ಸೋನುನಿಗಮ್ ವಾಯ್ಸ್ ಹೊಸ ಶಕ್ತಿ ತುಂಬುತ್ತಿದೆ. ಸಂಗೀತ ನಿರ್ದೇಶಕ ಶ್ರೀಧರ್ ಸಂಭ್ರಮ್ ಇದಕ್ಕೆ ಪೂರಕವಾಗಿಯೇ ಹಾಡುಗಳನ್ನ ಕಂಪೋಸ್ ಮಾಡಿದ್ದಾರೆ. ಶ್ರೀನಗರಕಿಟ್ಟಿ ಹಾಗೂ ರಚಿತಾರಾಮ್ ಪ್ರೀತಿಯ ಹೊಸದಾರಿಗೆ ಸೋನು ಧ್ವನಿ ಸ್ವೀಟ್ ಟಚ್ ಕೊಡ್ತಿದೆ. ಮೊನ್ನೆಯಷ್ಟೇ ಕೊರೆಯೋ ಚಳಿಯಲ್ಲಿ ಹಾಡುಗಳ ಶೂಟಿಂಗ್ ಮುಗಿಸಿಕೊಂಡು ಬಂದ ಸಂಜು ವೆಡ್ಸ್ ಗೀತಾ-2 ಟೀಮ್, ಏಪ್ರಿಲ್.1ಕ್ಕೆ ತೆರೆಗೆ ಬರೋ ಐಡಿಯಾದಲ್ಲಿದೆ.
