ಇಸ್ಲಾಮಾಬಾದ್‌: ತಾಲಿಬಾನ್ ಪಡೆಗಳು ನಡೆಸಿದ ಸೇನಾ ಕಾರ್ಯಾಚರಣೆಯಲ್ಲಿ ಆರು ಮಂದಿ ಐ.ಎಸ್ ಉಗ್ರರು ಮೃತಪಟ್ಟಿರುವ ಘಟನೆ ಅಫ್ಗಾನಿಸ್ತಾನದ ಉತ್ತರ ಬಾಲ್ಖ್‌ ಪ್ರಾಂತ್ಯದಲ್ಲಿ ನಡೆದಿದ್ದು ಘಟನೆಯನ್ನು ತಾಲಿಬಾನ್ ವಕ್ತಾರರು ದೃಡಪಡಿಸಿದ್ದಾರೆ.
ನಹ್ರಿ ಶಾಹಿ ಜಿಲ್ಲೆಯಲ್ಲಿ ಐ.ಎಸ್ ಅಡಗುತಾಣ ಗುರಿಯಾಗಿಸಿ ತಾಲಿಬಾನ್ ಸೈನಿಕರು ಕಾರ್ಯಾಚರಣೆ ನಡೆಸಿದರು. ಈ ವೇಳೆ ಆರು ಐ.ಎಸ್ ಉಗ್ರರನ್ನು ಕೊಲ್ಲಲಾಯಿತು ಎಂದು ವಕ್ತಾರ ಮೊಹಮ್ಮದ್ ಆಸಿಫ್ ವಾಜಿರಿ ಹೇಳಿದರು.
ತಾಲಿಬಾನಿ ಗಸ್ತು ಪಡೆಗಳು ಮತ್ತು ಅಫ್ಗಾನಿಸ್ತಾನದ ಶಿಯಾ ಅಲ್ಪಸಂಖ್ಯಾತರನ್ನು ಗುರಿಯಾಗಿಸಿ ಐ.ಎಸ್ ಉಗ್ರರು ಇತ್ತೀಚೆಗೆ ದಾಳಿಗಳನ್ನು ಹೆಚ್ಚಿಸಿದ್ದು ಇದರಿಂದ ಈಗಾಗಲೇ ಸಾಕಷ್ಟು ಉಗ್ರರು ಮೃತಪಟ್ಟಿದ್ದಾರೆ.
