ನಿರ್ದೇಶಕ ತರುಣ್ ಹಾಗೂ ನಟಿ ಸೋನಲ್ ಇಂದು ಅದ್ದೂರಿಯಾಗಿ ವೈವಾಹಿಕ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಗ್ರ್ಯಾಂಡ್ ವಿವಾಹಕ್ಕೆ ತರುಣ್ ಹಾಗೂ ಸೋನಲ್ ಕೂಡ ಸಖತ್ ಆಗಿಯೇ ರೆಡಿ ಆಗಿದ್ದಾರೆ.
ನಟಿ ಸೋನಲ್ ಗೋಲ್ಡನ್ ಕಲರ್ ಸೀರೆಯುಟ್ಟು ಹಸೆಮಣೆ ಏರಿದ್ದಾರೆ. ಗೋಲ್ಡನ್ ಸೀರೆಗೆ ಸೋನಲ್, ಹೆವಿ ಜ್ಯುವೆಲ್ಲರಿ ತೊಟ್ಟು ಸೋನಲ್ ಗೊಂಬೆಯಂತೆ ಕಂಗೊಳ್ಳಿಸಿದ್ದಾರೆ. ಮದುಮಗಳ ಲುಕ್ನಲ್ಲಿ ಸೋನಲ್ ಮಿಂಚಿದ್ದಾರೆ.
ಖಳನಟ ಸುಧೀರ್ ಪುತ್ರ, ನಿರ್ದೇಶಕ ತರುಣ್ ಸುಧೀರ್ ಗೋಲ್ಡನ್ ಕಲರ್ ಕುರ್ತಾ ಹಾಗೂ ಪಂಚೆ ಧರಿಸಿದ್ದಾರೆ. ಜೊತೆಗೆ ಮೈಸೂರು ಪೇಟ ತೊಟ್ಟು ಮದು ಮಗನ ಲುಕ್ನಲ್ಲಿ ತರುಣ್ ಕಂಗೊಳಿಸಿದ್ದಾರೆ.
ಆಗಸ್ಟ್ 10 ರಂದು ವಿವಾಹದ ಆರತಕ್ಷತೆ ಸಮಾರಂಭ ಜೋರಾಗಿ ನಡೆಯಿತು. ತರುಣ್ -ಸೋನಲ್ ಮದುವೆಯಾಗಿ ನವ ಜೀವನಕ್ಕೆ ಕಾಲಿಡುತ್ತಿದ್ದು, ಅನೇಕ ಗಣ್ಯರು ನವ ಜೋಡಿಗೆ ಶುಭಕೋರಿದ್ರು. ತರುಣ್ ಕಲ್ಯಾಣಕ್ಕೆಂದು ಅದ್ದೂರಿ ಮಂಟಪ ಕೂಡ ರೆಡಿಯಾಗಿದೆ.
ತರುಣ್ ಮನೆಯ ಸಂಪ್ರದಾಯಗಳಂತೆ ಶಾಸ್ತ್ರಗಳನ್ನು ಮಾಡಲಾಗ್ತಿದೆ. ಕಲ್ಯಾಣ ಮಂಟಪದ ಅಲಂಕಾರ ಕೂಡ ಅದ್ಭುತವಾಗಿದೆ. ಪ್ರವೇಶ ದ್ವಾರದಲ್ಲಿ ಮಹಾದ್ವಾರದ ಮಾದರಿ ಅಲಂಕಾರ ಮಾಡಲಾಗಿದೆ. ವಿಷ್ಣುವಿನ ದಶಾವತಾರಗಳ ಮಧ್ಯೆ ಕಮಲ ಮಂಟಪದ ಸಿದ್ಧವಾಗಿದೆ. ಕಲಾಂಜನಿ ವೆಡ್ಡಿಂಗ್ಸ್ನ ಕಿರಣ್ ನೇತೃತ್ವದಲ್ಲಿ ಧಾರೆ ಮುಹೂರ್ತದ ಸೆಟ್ ನಿರ್ಮಾಣ ಮಾಡಲಾಗಿದೆ.10:50 ರಿಂದ 11:35ರ ತುಲಾ ಲಗ್ನದಲ್ಲಿ ಧಾರೆ ಮುಹೂರ್ತ ನಡೆಯಲಿದೆ. ಶುಭ ಮುಹೂರ್ತದಲ್ಲಿ ತರುಣ್, ಸೋನಲ್ ಹೊಸ ಬಾಳಿಗೆ ಕಾಲಿಟ್ಟಿದ್ದಾರೆ.
ಮೈಸೂರು ರಸ್ತೆಯಲ್ಲಿರುವ ಪೂರ್ಣಿಮ ಕನ್ವೆನ್ಷನ್ ಹಾಲ್ ನಲ್ಲಿ ತಲೆ ಎತ್ತಿರುವ ಕಮಲದ ಹೂವಿನ ಮಂಟಪ ನೋಡುಗರ ಕಣ್ಣು ಕುಕ್ಕುವಂತಿದೆ. ತರುಣ್ ಸೋನಲ್ ಮದುವೆಗೆ ಇಂದು ಶಿವಣ್ಣ, ಯಶ್, ಸುದೀಪ್, ಸಿಎಂ ಸಿದ್ದರಾಮಯ್ಯ ಕೂಡ ಆಗಮಿಸುವ ಸಾಧ್ಯತೆ ಇದೆ. ನಿನ್ನೆ (ಆಗಸ್ಟ್ 10) ನಡೆದ ಆರತಕ್ಷತೆಗೆ ಮಾಜಿ ಸಿಎಂ ಯಡಿಯೂರಪ್ಪ ಸೇರಿದಂತೆ ಹಲವಾರು ಮಂದಿ ಸಿನಿಮಾ ಸೆಲೆಬ್ರಿಟಿಗಳು ವಿವಾಹ ಆರತಕ್ಷತೆ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.
ಬೆಂಗಳೂರಿನ ಕೆಂಗೇರಿ ಬಳಿಯ ಪೂರ್ಣಿಮಾ ಪ್ಯಾಲೇಸ್‌ನಲ್ಲಿ ತರುಣ್ ಮತ್ತು ಸೋನಲ್ ಮದುವೆ ನೆರವೇರುತ್ತಿದೆ. ಈಗಾಗಲೇ ಇಡೀ ಹಾಡಲ್ ರೆಡ್ ಥೀಮ್‌ ಅಲ್ಲಿಯೇ ರೆಡಿ ಆಗಿದೆ. ಸಂಜೆಯ ಅಂದ್ರೆ, ಆಗಸ್ಟ್-10 ರಂದು ಅದ್ಧೂರಿ ರಿಸೆಪ್ಷನ್ ನಡೆದಿದೆ. ಇಲ್ಲಿ ಬಿ.ಎಸ್.ಯಡಿಯೂರಪ್ಪ ಸೇರಿದಂತೆ, ಹಂಸಲೇಖ, ರೂಪೇಶ್ ಶೆಟ್ಟಿ, ಅನಿರುದ್ದ್ ಜತ್ಕರ್, ರಾಕ್ ಲೈನ್ ವೆಂಕಟೇಶ್ ಸೇರಿದಂತೆ ಇನ್ನೂ ಹಲವು ಕಲಾವಿದರು ಆಗಮಿಸಿದ್ದರು.
