ಕಳೆದ ಕೆಲ ದಿನಗಳಿಂದ ಬ್ರೆಜಿಲ್ ನಲ್ಲಿ ಭೀಕರ ಪ್ರವಾಹ ಉಂಟಾಗಿದೆ.ಪರಿಣಾಮ ಇದುವರೆಗೂ 180 ಮಂದಿ ಮೃತಪಟ್ಟಿದ್ದು 32 ಜನರು ಕಾಣೆಯಾಗಿದ್ದಾರೆ ಎಂದು ನಾಗರಿಕ ರಕ್ಷಣಾ ಸಂಸ್ಥೆ ತಿಳಿಸಿದೆ
ಏಪ್ರಿಲ್ 29 ರಂದು ಪ್ರಾರಂಭವಾದ ಧಾರಾಕಾರ ಮಳೆ ಹಲವು ದಿನಗಳವರೆಗೆ ಮುಂದುವರಿದಿದೆ. ರಾಜ್ಯದಾದ್ಯಂತ ಹಲವು ನಗರಗಳು ನೀರಿನಿಂದ ಮುಳುಗಡೆಯಾಗಿದ್ದು ಜನ ಜೀವನ ಅಸ್ಥವ್ಯಸ್ಥವಾಗಿದೆ. ಜೂನ್ ಮಧ್ಯದಲ್ಲಿ ಪ್ರವಾಹ ಕಡಿಮೆಯಾಗಲು ಪ್ರಾರಂಭಿಸಿದ ನಂತರ ರಕ್ಷಣಾ ಕಾರ್ಯಗಳು ಪ್ರಾರಂಭವಾದವು ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ರಾಜ್ಯ ರಾಜಧಾನಿ ಪೋರ್ಟೊ ಅಲೆಗ್ರೆ ಸೇರಿದಂತೆ 478 ಪಟ್ಟಣಗಳಲ್ಲಿ ಸುಮಾರು 2,398,255 ನಿವಾಸಿಗಳ ಮೇಲೆ ತೀವ್ರ ಹವಾಮಾನ ಪರಿಣಾಮ ಬೀರಿದೆ ಎಂದು ಏಜೆನ್ಸಿ ವರದಿಯಲ್ಲಿ ತಿಳಿಸಿದೆ.
ಬ್ರೆಜಿಲ್ ಸರ್ಕಾರವು ರಿಯೊ ಗ್ರಾಂಡೆ ಡೊ ಸುಲ್ ಗೆ ಸಹಾಯ ಮಾಡಲು ಮತ್ತು ಪುನರ್ನಿರ್ಮಿಸಲು 85.7 ಬಿಲಿಯನ್ ರಿಯಲ್ ಗಳನ್ನು (ಸುಮಾರು 15.4 ಬಿಲಿಯನ್ ಡಾಲರ್) ನಿಗದಿಪಡಿಸಿದೆ ಎಂದು ಸಾಮಾಜಿಕ ಸಂವಹನ ಕಾರ್ಯದರ್ಶಿ ಪೌಲೊ ಪಿಮೆಂಟಾ ಹೇಳಿದ್ದಾರೆ. ಉರುಗ್ವೆ ಮತ್ತು ಅರ್ಜೆಂಟೀನಾದ ಗಡಿಯಲ್ಲಿರುವ ಕೃಷಿ ರಾಜ್ಯವಾದ ರಿಯೊ ಗ್ರಾಂಡೆ ಡೊ ಸುಲ್ ಈ ವಿಪತ್ತಿನಿಂದ ದಾಖಲೆಯ ಆರ್ಥಿಕ ನಷ್ಟವನ್ನು ಅನುಭವಿಸುತ್ತಿದೆ.
