ಬಿಗ್‌ಬಾಸ್ ಶೋ ಸ್ಪರ್ಧಿ, ಸದಾ ತರಹೇವಾರಿ ಡ್ರಸ್ ಧರಿಸೋ ನಟಿ ಉರ್ಫಿ ಜಾವೇದ್ ನೈಟ್ ಪಾರ್ಟಿಯಲ್ಲಿ ಫುಲ್ ಟೈಟ್ ಆಗಿ ನಶೆಯಲ್ಲಿ ತೇಲಾಡಿದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಶನಿವಾರ ರಾತ್ರಿ ಪಾರ್ಟಿ ಮುಗಿಸಿ ಹೊರಗೆ ಬರುವ ಸಂದರ್ಭದಲ್ಲಿ ಈ ವಿಡಿಯೋ ಸೆರೆ ಹಿಡಿಯಲಾಗಿದ್ದು ನಟಿಯನ್ನು ಹಿಡಿಯಲು ಸ್ನೇಹಿತೆ ಕಷ್ಟಪಡುತ್ತಿರುವುದು ವಿಡಿಯೋದಲ್ಲಿ ಸೆರೆಯಾಗಿದೆ.
ಪಿಂಕ್ ಶಾರ್ಟ್ ಡ್ರೆಸ್ ಧರಿಸಿರುವ ಉರ್ಫಿಗೆ ಸರಿಯಾಗಿ ಹೆಜ್ಜೆ ಇರಿಸಲು ಸಾಧ್ಯವಾಗುತ್ತಿಲ್ಲ. ಪಕ್ಕದಲ್ಲಿದ್ದ ಗೆಳತಿಯರ ಮೇಲೆ ಭಾರ ಹಾಕಿ ಉರ್ಫಿ ಕಾರ್ ವರೆಗೂ ನಡೆದುಕೊಂಡು ಬರುತ್ತಾರೆ. ಮಧ್ಯದಲ್ಲಿಯೇ ತೊದಲುತ್ತಾ ಸಾರಿ ಕೇಳಿದ್ದಾರೆ. ಕಾರ್ ಒಳಗೆ ಹೋಗಲು ಸ್ನೇಹಿತೆಯರು ಒತ್ತಾಯಿಸಿದ ಬಳಿಕ ಉರ್ಫಿ ಹೋಗಿದ್ದಾರೆ. ವಿಡಿಯೋ ನೋಡಿದ ನೆಟ್ಟಿಗರು ಉರ್ಫಿ ಜಾವೇದ್ ಫುಲ್ ಟೈಟ್ ಆಗಿದ್ದಾರೆ. ವೀಕೆಂಡ್ ಪಾರ್ಟಿ ಜೋರು ಆದಂತೆ ಕಾಣಿಸುತ್ತಿದೆ ಎಂದು ಕಮೆಂಟ್ ಮಾಡುತ್ತಿದ್ದಾರೆ.
ಸದಾ ತಮ್ಮ ವಿಶೇಷ ಬಟ್ಟೆ ವಿನ್ಯಾಸದಿಂದಲೇ ಸುದ್ದಿಯಲ್ಲಿರುವ ಉರ್ಫಿ ಜಾವೇದ್, ಹಲವು ಬಾರಿ ಬಾಲಿವುಡ್ ಅಂಗಳದ ಹಿಂದಿನ ರಹಸ್ಯಗಳನ್ನು ಬಿಚ್ಚಿಡುತ್ತಿರುತ್ತಾರೆ. ಸಂದರ್ಶನದಲ್ಲಿ ಮಾತನಾಡಿದ್ದ ಉರ್ಫಿ ಜಾವೇದ್, ಹಲವು ಸೆಲೆಬ್ರಿಟಿಗಳು ಇವೆಲ್ಲವನ್ನೂ ನಾಟಕ ಮಾಡಿ ಜನರ ಗಮನ ಸೆಳೆಯಲು ಮಾಡುತ್ತಾರೆ. ಕೆಲವೊಮ್ಮೆ ವಿಚಿತ್ರ ಹೇಳಿಕೆಗಳನ್ನು ನೀಡುತ್ತಿರುತ್ತಾರೆ ಎಂದು ಹೇಳಿದ್ದರು.
