ವಿಜಯ್ ಸೇತುಪತಿ ನಟನೆಯ ಏಸ್ ಚಿತ್ರದ ಫಸ್ಟ್ ಲುಕ್ ಹಾಗೂ ಟೈಟಲ್ ಟೀಸರ್ ಬಿಡುಗಡೆಯಾಗಿದೆ. ವಿಜಯ್ ಸೇತುಪತಿಯವರ ಏಸ್ ಚಿತ್ರದ ಫಸ್ಟ್ ಲುಕ್‌ನಲ್ಲಿ ವಿಜಯ್ ತುಂಬಾ ಯಂಗ್ ಆಗಿ ಸ್ಟೈಲಿಶ್ ಆಗಿ ಕಂಡುಬಂದಿದ್ದು, ವಿಜಯ್ ಸೇತುಪತಿ ಫ್ಯಾನ್ಸ್‌ನಲ್ಲಿ ಚಿತ್ರದ ಬಗ್ಗೆ ನಿರೀಕ್ಷೆಯನ್ನು ಹೆಚ್ಚಿಸಿದೆ. ವಿಜಯ್ ಪೋಸ್ಟರ್‌ನಲ್ಲಿ ಗಡ್ಡಬಿಟ್ಟುಕೊಂಡು ಬಾಯಲ್ಲಿ ಸಿಗಾರ್ ಪೈಪ್ ಇನ್ನೊಂದು ಕೈಯಲ್ಲಿ ದಾಳವನ್ನು ಉರುಳಿಸುತ್ತಿರುವ ದೃಶ್ಯ ಕಂಡುಬಂದಿದೆ.
“#VJS51 #ACE ನ ಫಸ್ಟ್ ಲುಕ್ ಅನ್ನು ಪ್ರಸ್ತುತಪಡಿಸಲಾಗುತ್ತಿದೆ. ನೀವು ಕಾಯುತ್ತಿರುವ ಟ್ರಂಪ್ ಕಾರ್ಡ್ ಎಂದು ಕ್ಯಾಪ್ಶನ್ ಇರುವ ಬರಹವನ್ನು 46 ವರ್ಷದ ನಟ ಪೋಸ್ಟರ್‌ನೊಂದಿಗೆ ಎಕ್ಸ್‌ನಲ್ಲಿ ಹಂಚಿಕೊಂಡಿದ್ದಾರೆ. ಒಟ್ಟಿನಲ್ಲಿ ಚಿತ್ರದ ಫಸ್ಟ್ ಲುಕ್‌ನಲ್ಲಿ ವಿಜಯ್ ಸಖತ್ ರಗಡ್ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದು ಅಭಿಮಾನಿಗಳ ಸಂಭ್ರಮವನ್ನು ಹೆಚ್ಚಿಸಿದೆ.
ಚಿತ್ರಕ್ಕೆ ಅರುಮುಗಾ ಕುಮಾರ್ ನಿರ್ದೇಶನ ಮಾಡಿದ್ದು, ವಿಜಯ್ ಸೇತುಪತಿ, ರುಕ್ಮಿಣಿ ವಸಂತ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಜೊತೆಗೆ ಚಿತ್ರದಲ್ಲಿ ಯೋಗಿ ಬಾಬು, ಪಿಎಸ್ ಅವಿನಾಶ್, ದಿವ್ಯ ಪಿಳ್ಳೈ, ಬಬ್ಲು, ರಾಜ್‌ಕುಮಾರ್ ಹೀಗೆ ಅನೇಕ ಕಲಾವಿದರು ಕಾಣಿಸಿಕೊಂಡಿದ್ದಾರೆ.
ಕರಣ್ ಬಹುದ್ದೂರ್ ರಾವತ್ ಸಿನಿಮಾಟೋಗ್ರಫಿ ಮಾಡಿದ್ದು ಜಸ್ಟಿನ್ ಪ್ರಭಾಕರನ್ ಚಿತ್ರಕ್ಕೆ ಸಂಗೀತ ನೀಡಿದ್ದಾರೆ. ಪ್ರೊಡಕ್ಶನ್ ಡಿಸೈನ್ ಎಕೆ ಮುತ್ತು, ಎಡಿಟಿಂಗ್ ಗೋವಿಂದರಾಜ್ ನಿರ್ವಹಿಸಿದ್ದಾರೆ. ಏಸ್ ಒಂದು ಸಂಪೂರ್ಣ ಕಮರ್ಷಿಯಲ್ ಚಿತ್ರವೆಂದೆನಿಸಿದ್ದು, 7ಸಿಎಸ್ ಎಂಟರ್‌ಟೈನ್‌ಮೆಂಟ್ ಚಿತ್ರಕ್ಕೆ ಬಂಡವಾಳ ಹೂಡಿದೆ.
