ತಮಿಳು ಚಿತ್ರರಂಗದ ಖ್ಯಾತ ನಟ ವಿಜಯ್ ದಾಂಪತ್ಯದಲ್ಲಿ ಬಿರುಕು ಮೂಡಿದೆ ಎಂಬ ಸುದ್ದಿ ಕಳೆದ ಕೆಲ ತಿಂಗಳ ಹಿಂದೆ ಜೋರಾಗಿಯೇ ಕೇಳಿ ಬಂದಿತ್ತು. ವಿಜಯ್ ಹಾಗೂ ಪತ್ನಿ ಸಂಗೀತ ಮಧ್ಯೆ ಮನಸ್ತಾಪ ಮೂಡಲು ಕಾರಣ ನಟಿ ತ್ರಿಷಾ ಎನ್ನಲಾಗಿತ್ತು. ಇಬ್ಬರು ಡೇಟಿಂಗ್ ಮಾಡುತ್ತಿದ್ದು ಇದೇ ಕಾರಣಕ್ಕೆ ವಿಜಯ್ ತಮ್ಮ ಪತ್ನಿಗೆ ಡಿವೋರ್ಸ್ ನೀಡುತ್ತಿದ್ದಾರೆ ಎಂದು ಹೇಳಲಾಗಿತ್ತು. ಇದೀಗ ಮತ್ತೆ ತ್ರಿಷಾ ಹಾಗೂ ವಿಜಯ್ ಒಟ್ಟಿಗಿರೋ ಫೋಟೋವೊಂದು ವೈರಲ್ ಆಗಿದೆ.
ನಟಿ ತ್ರಿಷಾ ಕೃಷ್ಣನ್ ಮತ್ತು ವಿಜಯ್ ಡೇಟಿಂಗ್ ಮಾಡುತ್ತಿದ್ದಾರಾ ಎಂಬ ಪ್ರಶ್ನೆ ಅಭಿಮಾನಿಗಳಲ್ಲಿ ಶುರುವಾಗಿದೆ. ಈ ಅನುಮಾನಕ್ಕೆ ಕಾರಣವಾಗಿದ್ದು, ನಟಿ ಶೇರ್ ಮಾಡಿರುವ ಪೋಸ್ಟ್. ವಿಜಯ್ ಹುಟ್ಟುಹಬ್ಬಕ್ಕೆ ನಟಿ ವಿಶೇಷವಾಗಿ ಶುಭಕೋರಿದ್ದಾರೆ. ವಿಜಯ್ ಜೊತೆಗಿರುವ ಫೋಟೋವೊಂದನ್ನು ಶೇರ್ ಮಾಡಿದ್ದಾರೆ.
ತ್ರಿಷಾ ಲಿಫ್ಟೊಳಗೆ ಇಬ್ಬರೂ ಇರುವ ಮತ್ತು ತ್ರಿಷಾ ಮಿರರ್‌ನಲ್ಲಿ ಫೋಟೋ ತೆಗೆಯುತ್ತಿರುವಂಥ ಫೋಟೋ ಹಂಚಿಕೊಂಡಿದ್ದಾರೆ. ಮತ್ತು ‘ದಿ ಕಾಮ್ ಟು ಎ ಸ್ಟಾರ್ಮ್, ಸ್ಟಾರ್ಮ್ ಟು ಎ ಕಾಮ್, ಟು ಮೆನಿ ಮೋರ್ ಮೈಲ್‌ಸ್ಟೋನ್ಸ್ ಅಹೆಡ್’ ಎಂದು ಹಾಕಿ ಕಪ್ಪು ಹಾರ್ಟೊಂದನ್ನು ಸೇರಿಸಿದ್ದಾರೆ. ಅದರ ಮುಂದೆ ಇನ್ಫಿನಿಟಿ ಸಿಂಬಲ್ ಹಾಕಿದ್ದಾರೆ.
ತಮಿಳು ಸ್ಟಾರ್ ವಿಜಯ್ ಜೊತೆ ‘ಲಿಯೋ’ ಸಿನಿಮಾದಲ್ಲಿ ತ್ರಿಷಾ ಅದ್ಭುತವಾಗಿ ಅಭಿನಯ ಮಾಡಿದ್ದರು. ಕಳೆದ ವರ್ಷ ಈ ಸಿನಿಮಾ ಮಾಡುವಾಗಲೇ ತ್ರಿಷಾ, ದಳಪತಿ ವಿಜಯ್ ಡೇಟಿಂಗ್ ಬಗ್ಗೆ ಗುಸು ಗುಸು ಮಾತುಗಳು ಕೇಳಿ ಬಂದಿತ್ತು. ಇದೀಗ ಅದಕ್ಕೆ ಪುಷ್ಟಿ ನೀಡುವಂತಿದೆ ಈ ಫೋಟೋ.
