‘ರಾಮರಸ’ ಕುಡಿಯೋಕೆ ಬಿಗ್‌ಬಾಸ್ ಸೀಸನ್-10 ವಿನ್ನರ್ ಕಾರ್ತಿಕ್ ಮಹೇಶ್ ಸಜ್ಜಾಗಿದ್ದಾರೆ. ಮೊದಲ ನೋಟದಲ್ಲೇ ನಿರ್ಮಾಪಕ ಗುರುದೇಶಪಾಂಡೆ ತಮ್ಮ ಕ್ರಿಯೆಟಿವಿಗೆ ಕೆಲಸ ಕೊಟ್ಟಿದ್ದಾರೆ. ಹೀರೊ ಇಂಟ್ರಡಕ್ಷನ್‌ಗೆ ಒಂದು ವಿಡಿಯೋ ಬಿಟ್ಟಿರೋ ಗುರುದೇಶಪಾಂಡೆ ಹಾಗೂ ನಿರ್ದೆಶಕ ಜಟ್ಟ ಖ್ಯಾತಿಯ ಗಿರಿರಾಜ್ ಯೂನಿಕ್ ಎಂಟ್ರಿಗೆ ಸಾಕ್ಷಿಯಾಗ್ತಿದಾರೆ. ಸ್ಯಾಂಡಲ್‌ವುಡ್ ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಬಂದು ರಾಮರಸದ ಟೇಸ್ಟ್‌ ಗೆ ಆಲ್ ದಿ ಬೆಸ್ಟ್ ಹೇಳಿದ್ರು. ಹೀರೊ ಪರಿಚಯದ ಪ್ರಯತ್ನವೇ ಸಿನಿಮಾ ತರ ಇದೆಯಲ್ಲ ಗುರು ಅಂತ ಚಿತ್ರತಂಡದ ಎಫರ್ಟ್‌ನ್ನ ಹಾಡಿಹೊಗಳಿದ್ರು ಆರಡಿ ಕಟೌಟ್. ನಿರ್ಮಾಣಕ್ಕೆ ಸಿನಿಲೋಕ ಸುನಿಲ್ ಸಾಥ್ ಇದೆ. ಬಹುತೇಕ ಗುರುದೇಶಪಾಂಡೆ ಟ್ರೈನ್ ಮಾಡಿರೋ ಟ್ಯಾಲೆಂಟ್‌ಗಳೇ ಸಿನಿಮಾದಲ್ಲಿ ಮಿಂಚ್ತಿವೆ. ಕಥೆಯ ಸೀಕ್ರೆಟ್ ಬಿಟ್ಟುಕೊಡದೇ ಸದ್ಯಕ್ಕೆ ‘ರಾಮರಸ’ ಶೂಟಿಂಗ್ ಶುರುಹಚ್ಚಿಕೊಳ್ತಿದೆ.
-ಮಾವಳ್ಳಿ ಕಾರ್ತಿಕ್. ಫಿಲಂ ಡೆಸ್ಕ್. ಪ್ರಜಾಟಿವಿ
