ಸಲಾರ್ ಸಂಭ್ರಮಿಸಲು ಕಾಯ್ತಿದ್ದ ಡಾರ್ಲಿಂಗ್ ಡೈಹಾರ್ಡ್ ಫ್ಯಾನ್ಸ್ ಗೀಗ ನಿರಾಸೆ…ಸೆಪ್ಟಂಬರ್ 28ಕ್ಕೆ ಬೆಳ್ಳಿಭೂಮಿಯಲ್ಲಿ ರೆಬಲ್ ಸ್ಟಾರ್ ನಯಾ ಹಂಗಾಮ ಶುರುವಾಗ್ಬೇಕಿತ್ತು..ಸಲಾರ್ ತೇರು ಎಳೆಯೋದಿಕ್ಕೆ ಪ್ರಭಾಸ್ ಭಕ್ತಗಣವೂ ಎಕ್ಸೈಟ್ ಆಗಿತ್ತು..ಕೆಜಿಎಫ್ ಸೂತ್ರಧಾರ ಪ್ರಶಾಂತ್ ನೀಲ್ ಎಲಿವೇಷನ್..ಬಾಹುಬಲಿ ಪಾತ್ರಧಾರ ಡಾರ್ಲಿಂಗ್ ಫಾರ್ಮೆಮೆನ್ಸ್ ಕಣ್ತುಂಬಿಕೊಳ್ಳಲು ನಿರೀಕ್ಷೆಯ ಕಣ್ಣುಗಳಿಂದ ಕಾಯ್ತಿದ್ದ ಸಿನಿಮಾಪ್ರೇಮಿಗಳಿಗೆ ನಿರ್ಮಾಣ ಸಂಸ್ಥೆ ಹೊಂಬಾಳೆ ಬೇಸರದ ಸುದ್ದಿ ನೀಡಿದೆ.
ನೀಲ್-ಡಾರ್ಲಿಂಗ್ ಈ ಜೋಡಿ ಒಂದಾಗ್ತಿದ್ದಾರೆ ಅಂದಾಗಲೇ ಕುತೂಹಲದ ಕಾರ್ಮೋಡ..ಇವರಿಬ್ಬರೂ ಸೇರಿ ಏನೋ ಧಮಾಕ ಮಾಡ್ತಾರೆ ಅಂತಾ ಅಖಂಡ ಚಿತ್ರಪ್ರೇಮಿಗಳು ಕಾತುರ ಆತುರದಿಂದ ಕಾಯ್ತಿದ್ದರು. ಪ್ರಭಾಸ್-ಪ್ರಶಾಂತ್..ಈ ಎರಡೇ ಎರಡು ಕಾರಣಾ ಸಲಾರ್ ಇಷ್ಟು ಮಟ್ಟಿಗಿನ ಹೈಪ್ ಪಡೆದುಕೊಳ್ಳೋದಿಕ್ಕೆ? ನೋ ವೇ ಚಾನ್ಸ್ ಇಲ್ಲ..ಕೆಜಿಎಫ್ ತಂಡದ ಮತ್ತೊಂದು ಔಟ್ ಫುಟ್, ಹೊಂಬಾಳೆ ಸಂಸ್ಥೆಯ ಮಹಾನ್ ಕೊಡುಗೆ..ದಕ್ಷಿಣ ಸಿನಿಮಾರಂಗದ ದೊಡ್ಡ ದೊಡ್ಡ ತಾರೆಯರ ಸಂಗಮ..ಇಷ್ಟು ಸಲಾರ್ ನಿರೀಕ್ಷೆ ಇಮ್ಮಡಿಯಾಗೋದಿಕ್ಕೆ ಕಾರಣ..ಇಷ್ಟೆಲ್ಲಾ ಅಂಶಗಳ ಸಿನಿಮಾ ಸೆಪ್ಟಂಬರ್ 28ಕ್ಕೆ ವಿಶ್ವಪರದೆಯ ಮೇಲೆ ಮೆರವಣಿಗೆ ಹೊರಡ್ಬೇಕಿತ್ತು. ಆದ್ರೆ ಸಲಾರ್ ಪೋಸ್ಟ್ ಪೋನ್ ಆಗಿದೆ.
ಸಲಾರ್ ಸಿನಿಮಾ 28ಕ್ಕೆ ಥಿಯೇಟರ್ ಅಂಗಳದಲ್ಲಿ ಯಾನ ಶುರು ಮಾಡೇ ಮಾಡುತ್ತೇ ಅಂತಾ ಕಾದು ಕುಳಿತ ಪ್ರಭಾಸ್ ಭಕ್ತಗಣವೇ ಚಿತ್ರತಂಡದ ನಿರ್ಧಾರ ಬೇಸರ ತರಿಸಿದೆ. ಕಳೆದ ಕೆಲ ವಾರಗಳಿಂದ ಸಲಾರ್ ಪೋಸ್ಟ್ ಪೋನ್ ಬಗ್ಗೆ ಹರಿದಾಡ್ತಿದ್ದ ಸುದ್ದಿಗಳಿಗೆ ಫ್ಯಾನ್ಸ್ ಸೊಪ್ಪು ಹಾಕಿರಲಿಲ್ಲ. ನೀಲ್ ಅಂದುಕೊಂಡ ದಿನವೇ ಡಾರ್ಲಿಂಗ್ ಸಿನಿಮಾ ದರ್ಶನ ಮಾಡೀ ತೀರುತ್ತಾರೆ ಎಂದುಕೊಂಡಿದ್ದರು. ಆದ್ರೆ ಚಿತ್ರತಂಡ ಅಧಿಕೃತವಾಗಿ ಸಿನಿಮಾ ಪೋಸ್ಟ್ ಪೋನ್ ಬಗ್ಗೆ ಮಾಹಿತಿ ನೀಡಿದೆ.
ಸಲಾರ್ ಸಿನಿಮಾ ಬಿಡುಗಡೆ ದಿನಾಂಕ ಮುಂಡೂಡಲು ನಾನಾ ಕಾರಣಗಳಿವೆ..ಸಿನಿಮಾಪ್ರೇಮಿಗಳ ಬಳಿ ಕ್ಷಮೆಯಾಚಿಸಿ ಚಿತ್ರತಂಡ ಪೋಸ್ಟ್ ಪೋನ್ ಬಗ್ಗೆ ಕೊಟ್ಟ ಕಾರಣವೇನು ಅನ್ನೋದನ್ನು ತೋರಿಸ್ತೇವೆ ನೋಡಿ..
ಸಲಾರ್ ಸಿನಿಮಾಗೆ ನೀವು ಕೊಟ್ಟ ಬೆಂಬಲಕ್ಕೆ ಧನ್ಯವಾದಗಳು… ಅನಿರೀಕ್ಷಿತ ಸಂದರ್ಭದಿಂದಾಗಿ ಸೆಪ್ಟಂಬರ್ 28ಕ್ಕೆ ಸಿನಿಮಾ ಬಿಡುಗಡೆ ಮಾಡಲಾಗುತ್ತಿಲ್ಲ. ಒಳ್ಳೆ ಗುಣಮಟ್ಟದ ಸಿನಿಮಾ ಅನುಭವ ನೀಡಲು ನಾವು ಬದ್ಧರಾಗಿದ್ದೇವೆ. ಈ ನಿರ್ಧಾರವನ್ನು ನೀವು ಅರ್ಥ ಮಾಡಿಕೊಳ್ಳಿ…ನಮ್ಮ ತಂಡ ಬಹಳಷ್ಟು ಶ್ರಮಿಸುತ್ತಿದೆ. ಹೊಸ ದಿನಾಂಕವನ್ನು ಸರಿಯಾದ ಸಮಯದಲ್ಲಿ ಬಹಿರಂಗಪಡಿಸಲಾಗುವುದು. ಸಲಾರ್ ಸಿನಿಮಾ ಅಂತಿಮ ಹಂತದಲ್ಲಿದೆ. ನಮ್ಮ ಈ ಪಯಣದ ಭಾಗವಾಗಿದಕ್ಕೆ ಧನ್ಯವಾದಗಳು.
-ಹೊಂಬಾಳೆ ಸಂಸ್ಥೆ
https://x.com/hombalefilms/status/1701800178687332547?s=20
ಸಲಾರ್ ಸಿನಿಮಾ 28ಕ್ಕೆ ಬರೋದಿಲ್ಲ ಸರಿ..ಹಾಗಿದ್ರೆ ಯಾವಾಗ ಬರಲಿದೆ..ಹೂ ಹೂ ಅದನ್ನು ಬಹಿರಂಗಪಡಿಸಿಲ್ಲ ಚಿತ್ರತಂಡ..ಅದಕ್ಕೆ ಕಾರಣ ಪ್ರಶಾಂತ್ ನೀಲ್..ನೀಲ್ ಎಂಬ ಚಮತ್ಕಾರಿ ಸಿನಿಮಾ ಮಾಂತ್ರಿಕ…ಫ್ರೇಮ್ ಟು ಫ್ರೇಮ್ ಅದ್ಭುತವಾಗಿ ಸಿನಿಮಾ ಕಟ್ಟಿಕೊಡುವ ವಿಷನರಿ ಡೈರೆಕ್ಟರ್..ಸಲಾರ್ ಕೆಲ ದೃಶ್ಯಗಳು ಪ್ರಶಾಂತ್ ನೀಲ್ ಗೆ ತೃಪ್ತಿ ತಂದಿಲ್ಲ. ಹೀಗಾಗಿ ಆ ದೃಶ್ಯಗಳನ್ನು ರೀ ಶೂಟ್ ಮಾಡ್ತಿದ್ದಾರಂತೆ. ಗ್ರಾಫಿಕ್ಸ್ ಕೆಲಸಗಳು ಇನ್ನೂ ಬಾಕಿ ಉಳಿದಿವೆ. ಈ ಎಲ್ಲಾ ಕಾರಣದಿಂದ ಚಿತ್ರತಂಡ ಸಲಾರ್ ಬಿಡುಗಡೆ ಮುಂಡಲಾಗಿದೆ ಎನ್ನಲಾಗ್ತಿದೆ.
ಸಲಾರ್ ಸಿನಿಮಾ ಪೋಸ್ಟ್ ಪೋನ್ ಮ್ಯಾಟರ್ ಅನೌನ್ಸ್ ಗೂ ಮುನ್ನ ನೀಲ್ ಆಂಧ್ರಪ್ರದೇಶದ ಮಡಕಸಿರಾ ಬಳಿಯ ನೀಲಕಂಠಪುರಂ ದೇಲುಲಕ್ಕೆ ಭೇಟಿ ನೀಡಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಅದೇ ದಿನ ತಮ್ಮ ಪೂರ್ವಕರಿ ಸಮಾಧಿಕೂ ಭೇಟಿ ನೀಡಿ ಆಶೀರ್ವಾದ ಪಡೆದಿದ್ದಾರೆ. ತಮ್ಮ ಕನಸ್ಸಿನ ಕೂಸು ಸಲಾರ್ ಗೆ ಯಾವುದೇ ವಿಘ್ನಗಳು ಎದುರಾಗದಿರಲಿ ಎಂದು ದೇವರ ಮುಂದೆ ಮಂಡಿಯೂರಿದ್ರಾ ನೀಲ್? ತಮ್ಮ ಅಜ್ಜಿ ಸಮಾಧಿ ಮುಂದೆ ಕುಳಿತು ಭಾವುಕರಾಗಿದ್ದೇಕೆ? ಎಲ್ಲವೂ ನಿಗೂಢ..ಆದ್ರೆ ಪ್ರಶಾಂತ್ ದೇಗುಲಕ್ಕೆ ಭೇಟಿ ನೀಡಿದ ವಿಡಿಯೋ ತುಣುಕು ಸೋಷಿಯಲ್ ಸಮುದ್ರದಲ್ಲಿ ವೈರಲ್ ಆಗಿದೆ..
ಅದೇನೇ ಇರಲಿ..ಸಲಾರ್ ಮೊದಲ ಅಧ್ಯಾಯ ಪದೇ ಪದೇ ಪೋಸ್ಟ್ ಪೋನ್ ಆಗ್ತಿರೋದಕ್ಕೆ ಪ್ರಭಾಸ್ ಫ್ಯಾನ್ಸ್ ಗೆ ಬೇಸರ ತರಿಸಿದೆ. ಈ ಹಿಂದೊಮ್ಮೆ ಬರ್ತಿವೆ ಅಂದವರು..ಬರಲ್ಲ ಅಂದಿದ್ದರು. ಈಗ ಅದನ್ನೇ ಪುರ್ನರ್ ಉಚ್ಚರಿಸಿದ್ದಾರೆ. ಸರಿ..ಒಳ್ಳೆ ಸಿನಿಮಾ ಅನುಭವವೇ ನೀಡಿ..ಆದ್ರೆ ರಿಲೀಸ್ ಡೇಟ್ ಆದ್ರೂ ಕನ್ಫರ್ಮ್ ಮಾಡಿ..ಹೀಗೆ ಬೇಡುತ್ತಿದೆ ಪ್ರಭಾಸ್ ಭಕ್ತಗಣ..
