ಏ.14ಕ್ಕೆ ಕೆಜಿಎಫ್ 2 ಸಿನಿಮಾ ರಿಲೀಸ್ ಆಗಿ ಒಂದು ವರ್ಷ ಕಳೆದಿದೆ. ಈ ಸಂಭ್ರಮದಲ್ಲಿ ಹೊಂಬಾಳೆ ಸಂಸ್ಥೆ ಕೆಜಿಎಫ್ ಪಾರ್ಟ್ 3 ಬರುವುದಾಗಿ ಘೋಷಿಸಿದೆ. ಈ ಸಂಭ್ರಮದಲ್ಲಿ ನಟಿ, ಯಶ್ ಪತ್ನಿ ರಾಧಿಕಾ ಪಂಡಿತ್ ರಾಕಿ ಜೊತೆಗಿನ ವಿಶೇಷ ವೀಡಿಯೋ ಹಂಚಿಕೊಂಡು ಸಂಭ್ರಮಿಸಿದ್ದಾರೆ. ರಾಧಿಕಾ ಕೆಜಿಎಫ್ 2 ಸೆಟ್‌ಗೆ ಆಗಮಿಸಿದ ಹಳೆಯ ವೀಡಿಯೋವನ್ನ ಹಂಚಿಕೊಂಡಿದ್ದಾರೆ.
ಪ್ರಶಾಂತ್ ನೀಲ್ ನಿರ್ದೇಶನದ ಕೆಜಿಎಫ್ ಪಾರ್ಟ್ 1 2018ರಲ್ಲಿ ತೆರೆಕಂಡಿತ್ತು. ಚಿತ್ರ ರಿಲೀಸ್ ಆದ ನಾಲ್ಕು ವರ್ಷಗಳ ಬಳಿಕ ಎರಡನೇ ಚಾಪ್ಟರ್ ಬಂತು. ಈ ಸಿನಿಮಾ ಕೆಲಸ ವಿಳಂಬ ಆಗಲು ಕೊವೀಡ್ ಕೂಡ ಕಾರಣ ಆಗಿತ್ತು.
ಪ್ರಶಾಂತ್ ನೀಲ್ ನಿರ್ದೇಶನದ ‘ಕೆಜಿಎಫ್ 2’ ಚಿತ್ರ ರಿಲೀಸ್ ಆಗಿ ಈ ಏ.14ಕ್ಕೆ ಒಂದು ವರ್ಷ ಪೂರೈಸಿದೆ. ರಾಕಿ ಭಾಯ್- ರೀನಾ ಜೋಡಿ, ಸಂಜಯ್ ದತ್- ರಾಕಿ ಕಾಳಗ, ರವೀನಾ ಟಂಡನ್ ನಟನೆ ಇವೆಲ್ಲವೂ ಸಿನಿಮಾಗೆ ಸಕ್ಸಸ್‌ಗೆ ಪ್ಲಸ್ ಆಗಿತ್ತು. ಹೊಂಬಾಳೆ ಸಂಸ್ಥೆ ಕೂಡ ಈ ಸಿನಿಮಾವನ್ನ ಅದ್ದೂರಿ ನಿರ್ಮಾಣ ಮಾಡಿ, ಕೋಟಿ ಕೋಟಿ ಗಲ್ಲಾಪೆಟ್ಟಿಗೆಯಲ್ಲಿ ಕಲೆಕ್ಷನ್ ಮಾಡಿ, ಹಲವು ದಾಖಲೆಗಳನ್ನು ನಿರ್ಮಿಸಿತ್ತು. ಇದೀಗ ನಟಿ ರಾಧಿಕಾ ಪಂಡಿತ್ ‘ಕೆಜಿಎಫ್ 2’ ಸೆಟ್‌ನ ವಿಶೇಷ ಫೋಟೋವೊಂದನ್ನು ಹಂಚಿಕೊಂಡಿದ್ದಾರೆ.
ಯಶ್ ರಾಕಿ ಪಾತ್ರಕ್ಕಾಗಿ ರೆಡಿ ಆಗಿದ್ದ ವೇಳೆ ಮಗಳೊಂದಿಗೆ ಸೆಟ್ ಗೆ ರಾಧಿಕಾ ಆಗಮಿಸಿದ್ದಾರೆ. ನಾನು 70ರ ದಶಕದಲ್ಲಿದ್ದೀನಿ. ಸಖತ್ ಆಗಿದೆ ನಿಮ್ಮ ಲುಕ್ ಎಂದು ರಾಧಿಕಾ ಪಂಡಿತ್ ಅವರು ವಿಡಿಯೋದಲ್ಲಿ ಮೆಚ್ಚುಗೆ ಸೂಚಿಸಿದ್ದಾರೆ. ‘ರಾಕಿನ ರಾಧಿಕಾ ಭೇಟಿ ಮಾಡಿದಾಗ’ ಎನ್ನುವ ಅಡಿಬರಹನೀಡಲಾಗಿದ್ದು, ವಿಡಿಯೋವನ್ನು ಸಾಕಷ್ಟು ಮಂದಿ ಮೆಚ್ಚಿಕೊಂಡಿದ್ದಾರೆ.
