ಪಿಆರ್ ಕೆ..ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಫೌಂಡೇಷನ್ ಆಗಿದೆ ‘ಪವರ್’ ಹೌಸ್ ಪ್ರೊಡಕ್ಷನ್,..ಪಿ ಅಂದ್ರೆ ಪುನೀತ್ ಅಲ್ಲ. ಅದು ಪಾರ್ವತಮ್ಮ ರಾಜ್ ಕುಮಾರ್..ಕನ್ನಡ ಚಿತ್ರರಂಗದ ಗ್ರೇಟೆಸ್ಟ್ ನಿರ್ಮಾಪಕಿ ಎನಿಸಿಕೊಂಡ ಪಾರ್ವತಮ್ಮ ಆಯ್ಕೆ ಮಾಡಿದ ಸಿನಿಮಾಗಳ ಪೈಕಿ ಗೆದ್ದಿದ್ದು ಶೇಖಡ 94ರಷ್ಟು. ಹೀಗಿದ್ಮೇಲೆ ವರನಟ ಡಾ. ರಾಜ್ ಕುಮಾರ್ ಹಿಂದಿನ ಶಕ್ತಿ ಪಾರ್ವತಮ್ಮನ ಫರ್ಪೆಕ್ಷನ್ ಎಷ್ಟಿದೆ ಅನ್ನೋದನ್ನು ನೀವೇ ಅರ್ಥ ಮಾಡಿಕೊಳ್ಳಿ. ನಾವಿತ್ತು ಅಣ್ಣಾವ್ರ ಮುದ್ದಿನ ಮಡದಿ ಪಾರ್ವತಮ್ಮ ಬಗ್ಗೆ ಇಷ್ಟೆಲ್ಲಾ ಪೀಠಿಕೆ ಹಾಕೋದಿಕ್ಕೆ ಕಾರಣ ಅಶ್ವಿನಿ ಪುನೀತ್ ರಾಜ್ ಕುಮಾರ್. ಪಿಆರ್ ಕೆ ಈಗ ಅಪ್ಪು ಮನೆ ಮನ ಮೆಚ್ಚಿದ ಮಡದಿ ಅಶ್ವಿನಿ ಅವರ ಹೇಗಲೇರಿದೆ. ಹೊಸ ಸಿನಿಮೋತ್ಸಾಹಿಗಳ ಕನಸುಗಳಿವೆ ವೇದಿಕೆಯಾಗಿರುವ ಪಿಆರ್ ಕೆಯನ್ನು ಅಶ್ವಿನಿ ಪುನೀತ್ ರಾಜ್ ಕುಮಾರ್ ಮುನ್ನೆಡೆಸಿಕೊಂಡು ಹೋಗ್ತಿದ್ದಾರೆ,. ಈ ಪ್ರೊಡಕ್ಷನ್ ನಿಂದ ಸದಾಭಿರುಚಿ ಸಿನಿಮಾಗಳು ಚಿತ್ರರಂಗಕ್ಕೆ ಕಾಣಿಕೆಯಾಗಿ ಸಿಕ್ಕಿವೆ. ಪವರ್ ಸ್ಟಾರ್ ಪವರ್ ಹೌಸ್ ನಿಂದ ಈಗ ಬೊಂಬಾಟ್ ಸಮಾಚಾರ ಹೊರಬಿದ್ದಿದೆ.
ಇದು PRK ಒಳಗಿನ YRK ಸಿನಿಮಾ ಸುದ್ದಿ. ಪಿಆರ್ ಕೆ ಅಂದ್ರೆ ಪಾರ್ವತಮ್ಮ ರಾಜ್ ಕುಮಾರ್.,ವೈಆರ್ ಕೆ ಅಂದ್ರೆ ಯುವರಾಜ್ ಕುಮಾರ್. ಯುವ ಸಿನಿಮಾ ಮೂಲಕ ಬೆಳ್ಳಿಪರೆದೆಯಲ್ಲಿ ಹೊಸ ಪರ್ವ ಶುರು ಮಾಡಿದ್ದ ರಾಘವೇಂದ್ರ ರಾಜ್ ಕುಮಾರ್ ಎರಡನೇ ಮಗ ಯುವರಾಜ್ ಕುಮಾರ್ ಹೊಸ ಸಿನಿಮಾಗೆ ಅಣಿಯಾಗ್ತಿದ್ದಾರೆ. ಮೊದಲ ಸಿನಿಮಾ ತೆರೆಗೆ ಬಂದು ಹತ್ತತ್ತಿರ ಏಳೆಂಟು ತಿಂಗಳು ಕಳೆದು ಹೋಗಿದೆ. ಯುವ ಗಾಂಧಿನಗರದಲ್ಲಿ ಹವಾ ಸೃಷ್ಟಿಸಿದ್ದಾನೆ. ಹೀಗಿದ್ರೂ ಯುವರಾಜ್ ಕುಮಾರ್ ತಮ್ಮ ಎರಡನೇ ಹೆಜ್ಜೆ ಇಡೋದಿಕ್ಕೆ ಇಷ್ಟು ಸಮಯ ತೆಗೆದುಕೊಂಡಿದ್ದಕ್ಕೆ ಪವರ್ ಪಡೆಗೆ ಬೇಸರವಿದೆ. ಯುವ ನಂತ್ರ ಯುವರಾಜ್ ಕುಮಾರ್ ಪುಟ್ಟ ವಿರಾಮಕ್ಕೆ ಕಾರಣ ಸಂಸಾರದಲ್ಲಾದ ತಲ್ಲಣ,. ಯವ ಚಿತ್ರ ರಿಲೀಸ್‌ ಆದ ಬೆನ್ನಲ್ಲೇ ಯುವ ಸಾಂಸಾರಿಕ ಜೀವನವೂ ಬಿರುಗಾಳಿಗೆ ಸಿಕ್ಕು ಹದ ತಪ್ಪಿತ್ತು. ಯುವ ದಾಂಪತ್ಯ ಜೀವನ ಡಿವೋರ್ಸ್‌ ಹಂತ ತಲುಪಿದ್ದು, ಕೋರ್ಟಿನಲ್ಲಿ ವಿಚಾರಣೆ ನಡೆಯುತ್ತಿದೆ. ಸಂಸಾರ ಜಂಜಾಟ ಪಕ್ಕಕ್ಕಿಟ್ಟು ಪವರ್ ಪ್ರಿನ್ಸ್ ಹೊಸ ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.
ಅಪ್ಪು ಅಭಿಮಾನಿಗಳು ಜೂನಿಯರ್ ಪವರ್ ಸ್ಟಾರ್ ಎಂಬ ಕ್ರೆಡಿಟ್ ಯುವನಿಗೆ ಕೊಟ್ಟಾಗಿದೆ. ಯುವರಾಜ್ ಕುಮಾರ್ ನಟನೆಯಲ್ಲಿ ಕೊಂಚ ಮಾಗಿದ್ರೆ ಕನ್ನಡ ಚಿತ್ರರಂಗದಲ್ಲಿರುವ ಸ್ಟಾರ್ ನಟರಿಲ್ಲ ಎಂಬ ಗಾಯಕ್ಕೆ ಮುಲಾಮು ಹಚ್ಚಬಹುದು. ಚೊಚ್ಚಲ ಪ್ರಯತ್ನದಲ್ಲಿ ಅಣ್ಣಾವ್ರ ಮೊಮ್ಮಗ ಯುವ ಥೇಟ್ ಅಪ್ಪುವಿನಂತೆ ಡ್ಯಾನ್ಸ್, ಫೈಟ್ ನಲ್ಲಿ ಖದರ್ ತೋರಿಸಿದ್ದಾರೆ. ಪವರ್ ಕಟ್ಟಾಗಲ್ಲ ಅಂತಾ ಡೈಲಾಗ್ ಹೊಡೆಯುತ್ತಾ ವಿರೋಧಿಗಳಿಗೆ ಟಕ್ಕರ್ ಕೊಟ್ಟಿದ್ದಾರೆ. ಹೊಂಬಾಳೆಯಿಂದ ಕನ್ನಡ ಚಿತ್ರರಂಗಕ್ಕೆ ಪರಿಚಿತರಾದ ಪವರ್ ಪ್ರಿನ್ಸ್ ಯುವ ಎರಡನೇ ಸಿನಿಮಾವನ್ನು ಪಿಆರ್ ಕೆ ನಿರ್ಮಾಣ ಮಾಡ್ತಿದೆ.
ಯುವರಾಜ್ ಕುಮಾರ್ ಎರಡನೇ ಪ್ರಯತ್ನಕ್ಕೆ ಚಿಕ್ಕಮ್ಮ ಅಶ್ವಿನಿ ಪುನೀತ್ ರಾಜ್ ಕುಮಾರ್ ಬಲ ತುಂಬುತ್ತಿದ್ದಾರೆ, ತಮ್ಮದೇ ಪಿಆರ್ ಕೆ ಒಳಗೆ ವೈಆರ್ ಕೆ ಚಿತ್ರ ನಿರ್ಮಾಣ ಮಾಡೋದಿಕ್ಕೆ ಜೈ ಎಂದಿದ್ದಾರೆ. ಅದಕ್ಕಾಗಿ ಅಶ್ವಿನಿ ಕಥೆ ಕೇಳ್ತಿದ್ದಾರೆ. ದೊಡ್ಮನೆ ಕುಟುಂಬದ ಮುಂದಿನ ಭರವಸೆ ಕಿಡಿ ಯುವ. ಹೀಗಾಗಿ ಆತನಿಗೊಂದು ಒಂದೊಳ್ಳೆ ಕಮರ್ಷಿಯಲ್ ಸಿನಿಮಾ ಮಾಡುವ ತಯಾರಿಯಲ್ಲಿದ್ದಾರೆ. ಇಷ್ಟು ದಿನ ಅಪ್ಪು ಬೆನ್ನಿಂದ ನಾನು ಇರ್ತಿದ್ದೆ. ತೆರೆಹಿಂದೆ ಹ್ಯಾಪಿಯಾಗಿ ಇರ್ತಿದ್ದೆ. ಆದ್ರೀಗ ಅನಿರೀಕ್ಷಿತವಾಗಿ ಹೊಣೆ ಹೊತ್ತಿದ್ದೇನೆ. ಇದನ್ನೂ ಸ್ವೀಕರಿಸಿದ್ದೇನೆ ಎನ್ನುವ ಅಶ್ವಿನಿ ಪುನೀತ್ ರಾಜ್ ಕುಮಾರ್ ಯುವನಾಗಿ ಈಗ ಖುದ್ದು ತಾವೇ ಕಥೆ ಕೇಳ್ತಿದ್ದಾರೆ.
ಪಾರ್ವತಮ್ಮ ಅವರೇ ತಮಗೆ ಸ್ಫೂರ್ತಿ ಎನ್ನುವ ಅಶ್ವಿನಿ ಯುವನಿಗಾಗಿ ಅದ್ಯಾವಾ ರೀತಿ ಕಥೆ ಆಯ್ಕೆ ಮಾಡಿಕೊಳ್ತಾರೆ. ಯುವ ಹೊಸ ಸಿನಿಮಾದ ಸಾರಥಿ ಯಾರ್ ಆಗ್ತಾರೆ? ಸಿನಿಮಾ ಟೈಟಲ್ ಏನ್ ಆಗಿರಬಹುದು? ಈ ಸಿನಿಮಾದಲ್ಲಿ ತಾರಾವರ್ಗ ಹಾಗೂ ತಾಂತ್ರಿಗ ಬಳಗದಲ್ಲಿ ಯಾರ್ ಇರ್ತಾರೆ ಅನ್ನೋದನ್ನು ಸ್ವತಃ ಅಶ್ವಿನಿ ಪುನೀತ್ ರಾಜ್ಕುಬಮಾರ್ ಅನೌನ್ಸ್ ಮಾಡಲಿದ್ದಾರೆ. ಅದಕ್ಕೆಲ್ಲಾ ಒಂದೊಳ್ಳೆ ಟೈಮ್ ಬರಬೇಕು.
ಪಿಆರ್ ಕೆ ಸಂಸ್ಥೆ ಏಕೈಕ ಗುರಿ ಹೊಸಬರ ಕನಸುಗಳಿಗೆ ಸಾಥ್ ನೀಡುವುದು. ಅದೇ ರೀತಿ ಯುವರಾಜ್ ಕುಮಾರ್ ಎರಡನೇ ಚಿತ್ರಕ್ಕೆ ಹೊಸಬರೇ ಸೂತ್ರಧಾರ ಎಂಬ ಸಮಾಚಾರ ಹರಿದಾಡ್ತಿದೆ. ನೋಡೋಣಾ ಪಿಆರ್ ಕೆ ಒಳಗಿನ ವೈಆರ್ ಕೆ ಹೊಸ ಕನಸಿಗೆ ಯಾರು ಜೊತೆಯಾಗ್ತಾರೆ. ಯುವರಾಜ್ ಕುಮಾರ್ ಎರಡನೇ ಚಿತ್ರ ಹೇಗಿರುತ್ತೆ? ಯಾರು ನಿರ್ದೇಶಕರು ಎಂಬ ಕುತೂಹಲ ಅಖಂಡ ಪವರ್ ಪ್ರಿನ್ಸ್ ಫ್ಯಾನ್ಸ್ ಗಳಲ್ಲಿ ಕಾಡ್ತಿದೆ, ಮೇಬಿ ಶೀಘ್ರದಲ್ಲೇ ಅದಕ್ಕೆ ಉತ್ತರ ಸಿಗಬಹುದು. ಜಸ್ಟ್ ವೇಟ್ ಅಂಡ್ ವಾಚ್..
